Нов моден тренд: Хулахопки за мажи

Хулахопките за мажи со сигурност стануваат моден хит во целиот свет.
Познато е дека мажите носеле хулахопки уште во средниот век со цел да се стоплат, но овој камбек на хулахопките е повеќе од помодарски причини.

Италијанскиот дизајнер на хулахопки Емилио Кавалини тврди дека 2-3% од неговите клиенти се токму мажите.

“Кога почнавме со онлајн продажба, забележавме дека има голема продажба на хулахопки со големина L и XL што беше доволен показател дека хулахопките ги порачуваат и мажи. Сите мажи во нашата компанија тестираа различни хулахопки со цел да добиеме информации за комфорноста на хулахопките кои би требало да ги дизајнираме за машкиот пол, освен за женскиот.“ – изјавил Емилио.

Компанијата почнала со производство на унисекс хулахопки уште во 2009-тата. Изработени од памук и најлон, а на начин да бидат удобни и да ѝ дозволуваат на кожата да дише.