“25-ти мај повторно ќе биде денот на излегување во продажба и на овој албум на Слаткаристика. После три години хитови, спотови и концерти, публиката на Марко Маринковиќ ќе може од овој датум во својата ЦД колекција да го има и “Новиот албум” – збирка од повеќе песни, од кои 16 се нови, досега неслушнати. Сите се изработени од неколку наши, докажани, но и млади, надежни продуценти со свои различни стилови, а од текстовите може да го очекувате единствениот ракопис на Слаткаристика, теми какви што само тој знае да раскаже.” – изјавуваат од тимот на Иноватива и Јованов рекордс, издавачите на овој албум.
Официјалната промоција на “Новиот албум” ќе се случи на почеток на месец јуни, а во текот на овој месец ќе биде пуштен и сингл со свој видео запис кој ќе го најави излегувањето на албумот. Синглот под наслов “Олабави ме!” е дело на Слаткаристика заедно со Стефан-Че и Јован Јованов со интересна приказна која визуелно ја долови Огнен Шапковски. Видео записот се снимаше минатата недела на две локации – Кино Фросина (МКЦ) и Сити Хол, а официјално во етер ќе излезе за неколку дена. Оние кои го следат Слаткаристика ќе може да ги пратат сите новости и да бидат во тек со него преку неговата нова, официјална веб страница slatkaristika.mk која ќе биде наскоро промовирана.
iLike.mk ја поддржува македонската музичка сцена и дава несебичен придонес кон промивирање на истата. Вашите новитети (песни, спотови, фотографии, најави за концерти и сл.) ги очекуваме на contact@ilike.mk.
Станете наш facebook фан.
Станете наш facebook фан. Ви Благодариме!