Овен
Потрудете се да го приспособите своето однесување во љубовниот однос. Нема потреба да ја критикувате саканата личност или да преувеличувате нечии мани. Важно е да се обидете да покажете добра волја и да разберете нечии слабости, избегнувајте емотивно ривалство. По заедничкиот разговор и доверба, можете да донесете правилна одлука.
Бик
Ненадејните промени во однесувањето на партнерот или големите изливи на емоции во вас будат ново сомнение. Обидете се да сфатите што се случува со саканата личност кога се наоѓа во ваша близина. Немате комплетен увид во нечие однесување и не сакате споредна улога. Понекогаш и малите нешта имаат голема магија ако правилно ги вреднувате.
Близнаци
Имате потреба да го промените основниот тек на случувањата и сакате да го подобрите својот љубовен живот. Забелешките што и ги упатувате на саканата личност остануваат без одговор. Партнерот останува уверен дека подобро од вас се разбира во некои теми и области, што дополнително ве иритира. Повремено имате впечаток дека се наоѓате на различни бранови должини или дека не добивате вистински љубовен третман.
Рак
Сакате нов емотивен полет и не се откажувате од своите планови. Потребен ви е некој да ве охрабри и да ве орасположи. Во налет на емотивната инспирација, тешко поставувате граница меѓу фантазијата и рамките на реалноста. Важно е правилно да вреднувате нечии чувства, се што се случува меѓу вас и саканата личност претставува поубав дел од реалноста.
Лав
Упорно се обидувате да се наметнете како авторитативна личност, пред личноста која добро ја познавате и која ги познава вашите слабости. Изгледате таинствено и секогаш сакате да влезете во нечија љубовна трага. Не можете да одгатнете нечие однесување и не сакате да ризикувате во емотивниот однос. Нема потреба за драмски заплети или театрално однесување во друштво на саканата личност.
Девица
Се наоѓате во фаза на емотивен полет, чувствувате дека среќата е на ваша страна. Светот околу вас го гледате со други очи и во поведри тонови, чувствувате ново задоволство во близина на саканата личност. Ви претстои љубовно зближување и нов занес. Вашиот успех и интимната среќа потекнува од хармоничниот однос со саканата личност.
Вага
Водите активен живот и сакате да се појавувате на јавни места. Сакате нови и необични емотивни контакти. Она што на другите им е тешко или невозможно, за вас е достапно и претставува уиграна варијанта на емотивно освојување. Ве очекуваат пријатни промени во односот со партнерот. Саканата личност знае лесно да ве поттикне на позитивна реакција или на силни изливи на емоции.
Скорпија
Изгледате задоволно во нечие друштво и умеете да создадете љубовна атмосфера. Важно е да ги вреднувате правилно чувствата, се што се случува меѓу вас и саканата личност секогаш претставува пубав дел од реалноста. Наоѓате смисла во заедничките планови, постојат детали кои посебно ве инспирираат. Саканата личност е нестрплива во очекувањето .
Стрелец
Во емотивниот занес имате големи очекувања, но партнерот не е во состојба да ги исполни сите ваши барања. Задржете ја самодовербата и оптимизмот. Не можете да очекувате некој целосно да ја прифати вашата визија, ако не давате добар пример. Љубовниот компромис претставува добро решение, под услов максимално да го здобиете вниманието на партнерот. Но, вие секогаш изгледате сомничаво и нескромно. Склони сте кон чести промени на емотивното расположение, што го нарушува договорот или емотивната сигурност.
Јарец
Непрекинато го анализирате својот однос со саканата личност и сакате да одгатнете разни дилеми. Премногу е рано да донесете оцена за блиска личност или сериозен заклучок за работите кои не се по ваша волја. Не ви се допаѓа сознанието дека некој друг избира или одлучува за вас. Смирете ги своите зовриени страсти.
Водолија
Изгледате напнато во љубовниот однос, не ви се допаѓа психолошкиот притисок кој ве иритира посебно од страна на партнерот. Поради емотивната несигурност имате потреба да го проверите својот партнер, обидете се да ги утврдите сличностите или разликите кои ве оддалечуваат. Проверете ги своите емотивни сомневања навреме и преземете иницијатива.
Риби
Тајно сакате да се оствари една романтична средба или вашата љубовна визија. Важно е да имате добро претчувство, како основа во љубовниот живот. Расположени сте за нова романса или за возбудливи случувања, кои треба да го разубават вашиот однос со саканата личност. Не ги криете вашите емотивни очекувања или намери, сакате да ги остварите своите соништа.
Извор: Утрински
Станете наш facebook фан. Ви Благодариме!
Станете наш facebook фан. Ви Благодариме!