Торнадо од пластика

Дали некогаш сте се почувствувале како да живеете во буквален неред и сте посакале целиот тој отпад чудесно да исчезне? Пекингшкиот артист Ванг Зијуан е тука да ни помогне да согледаме како вртлог од ѓубре би изгледал во едно дело наречено ”Thrown to the wind” (Фрлено во ветрот). Проектот изгледа како нова идеа отпадоците да бидат однесени кон небото, но за жал тие се сеуште тука, со нас на Земјата.

Торнадото од пластични отпадоци на Ванг е високо преку 10 метри и го претставува количеството на смет во неговиот град. На прв поглед, оваа гигантска кула од ѓубре изгледа шарена и интересна, но во себе носи една многу важна порака: сериозно да се сфати проблемот со пластичниот отпад.