Тајниот свет на една купохоличарка

Овде, сега и со неа започнува една луда, забавна и незаборавна приказна.

До сега оваа приказна има 3 дела преведени на македонски, но таа не завршува овде, нови продолженија уште излегуваат бидејќи Софи Кинсела сфати дека светот се заљуби во оваа девојка. Доколку не ви пречи да ја читате на англиски, сите 5 дела можете да ги купите кај нас.

Ребека е новинар.

Работи како советник за управување со парите, а своето слободно време го поминува во шопинг и трошење на сопствените пари (повеќе отколку што ги има).

Таа живее во луксузен стан, се дружи со џет сетот, а нејзиниот плакар е преполн со парчиња облека што едноставно „мора“ да ги има.

Беки постојано се обидува да смисли начин за да заработува повеќе пари и да намали со трошењето, но тоа едноставно не ѝ оди. Единствена утеха ѝ е да си купи нешто, барем некоја ситница.

Ова е една луда девојка каква до сега не сте запознале. Ова е една необична девојка која ќе ја засакате, која ќе Ве натера да се смеете без престан. Ова е првиот дел од една приказна која не смеете да ја пропуштите.

Силно Ви ја препорачувам оваа книга со сите нејзини делови, ќе ве насмее до солзи и ќе ве наполни со позитивна енергија која ќе трае со денови…

Ако оваа книга едноставно не ви е доволна, тогаш продолжете веднаш со вториот дел, Купохоличарка во странство…

Статијата ја напиша: Ивана Николовска
Извор: sakamknigi.mk