Купохоличарката во странство

Штотуку ја прочитавте и вративте на полицата Тајниот свет на една купохоличарка, но не се заситивте од приказната? Па кој и дали воопшто некој успеа да се засити од “глупостите” на оваа прекрасна, позитивна девојка која живее за да купува…

Сакате да прочитате уште, чувствувате дека има уште многу работи кои треба да ги дознаете за Беки? Па што чекате, почнете со Купохоличарката во странство.

Дали патувањето ќе ги прошири видиците или само ќе го испразни паричникот?! Во вториот дел Беки добива можност да оди да работи и живее во Њујорк. Градот на модерната уметност, тооооооолку музеи. Гутенхајм, Метрополитен опера…

И Беки има намера да го посети сите, најсериозно, да, да.

Единствено што изгледа дека е баш глупаво да не види прво некои други познати места. Како што е Сакс. И Блумингдејлс.  И Барнис. Сите тие стоковни куќи. И некоја од оние неверојатни распродажби каде што можете да најдете Прада фустан за 10$, или пак беа 100$? Дали Беки ќе стане доволно присебна за да се грижи за такви ситници?

Покрај шопинг приказните на оваа купохоличарка, оваа книга има и многу убав, интересен романтичен елемент. Но нема да Ви откривам повеќе, прочитајте ја и уживајте. Јас веднаш продолжувам со третиот дел, тоа е сигурно….

Ах да, во сабота одам да купам уште некој пар чевли… па тоа е инвестиција, нели Беки?

„Речиси се расплакав од смеење – Daily Mail“.

Статијата ја напиша: Ивана Николовска
Извор: sakamknigi.mk