Триножно столче дизајнирано од македонка: PICK

Марија Цветковска, студентка на “Факултет за дизајн и технологии на мебел и ентериери” во Скопје, со индустрискиот дизајн првпат се запозна во текот на студиите. Воодушевена од можностите кои ги нуди индустрискиот дизајн, започна да дизајнира првично како ентузијаст во таа област.

На овогодинешниот меѓународен саем за мебел во Скопје го освои првото место во категорија студенти на конкурсот кој беше распишан од страна на Скопскиот саем со проектот триножно столче.

На 15-ти овој месец, Марија го освои второто место на конкурсот распишан од anonymous.d од Њујорк за дизајнот на Pick Stool. Ова ниско столче е дизајнирано за уредување на просторот на mosza студиото во сопственост на основачот на anonymous.d. Љубовта кон триножните столчиња може да се забележи и на концептот Pick чија логика на балансирање е да се држи на три контактни точки со подот. Функционалноста е зголемена со отворите кои се наоѓаат на долниот дел од столчето кои служат за да се прави спојување со ногарките на второ столче за полесно складирање кога не се во употреба.

Доколку имате некое интересно хоби, дизајнирате, фотографирате, правите нешто несекојдневно и необично,.. пишете ни на contact@ilike.mk.

Станете наш facebook фан.