DONAX – футуристички слушалки дизајнирани од македонец

Се сеќавате на момчето кое дизајнираше клавир инспириран од Lady Gaga? Слушалките DONAX се неговиот најнов проект.

“Мислам дека речиси секој пробал да доближи голема морска школака до своето уво, за да го слушне смирувачкиот звук што таа го произведува. Токму овој мал “ритуал” е она што ме натера да размислам да дизајнирам слушалки инспирирани од морска школка. После долга анализа и скицирање на безброј морски школки, конечно успеав да дојдам до вистинската форма за мојот концепт. Резултатот од мојата работа се овие футуристички, органски слушалки кои се инспирирани од “Донакс” школките. Материјалот од кој треба да бидат изработени е мат обоена пластика во црна или бела боја, во комбинација со еко кожа.” – изјави Апостол Тноковски.