Отсега имате дополнителна причина за посета на метрополата на нашиот северен сосед, Белград. Веднаш до Бранковиот мост, во објект кој датира од далечната 1870-та, на почетокот од месец април се отвори ресторан за љубителите на здравата храна и пијалоци – “Gnezdo Organic”.
Ентериерот е минималистички, но зрачи со топлина. Просторот е уреден во консултација со хрватскиот архитект Анте Мариќ.
Во “Gnezdo Organic” се служи храна направена од производи одгледани во органски услови, без употреба на механизација и хемикалии. Истото се однесува и за пијалоците, а освен домашна ракија, цедени сокови и чаеви, можете да вкусите дел од органските вина на португалската винарија “Campolargo”. Сопствениците велат дека менито во ресторанот ќе биде мошне динамично и ќе се менува секоја седмица.
Исто така, покрај вкусната храна и прекрасниот амбиент, можете да уживате и во внимателно одбраната музика и амбиентални џез звуци за викенд.
Станете наш facebook фан. Ви Благодариме!