Ултра – луксузен хотелски комплекс во Катар

Постојат огромен број на хотели во светот кој се подигнати на необични места и кој нудат различна форма на ексклузивитет и луксуз. Сигурно сте сретнале хотели кои се изградени на дрвја, на екстремни места, во пештери, под вода.

Многу скоро, во Катар ќе се започне со реализација на ултра – луксузен комплекс чие име е “Amphibious 1000“. Комплетниот проект за ресортот го изработи студиото Giancarlo Zema Design Group од Италија, кое досега на јавноста и беше познато по проектирање и дизајнирање на јахти наменети за џет-сетот.

Комплексот ќе вклучува 80 апартмани кои ќе пловат во вода, неколку деловни објекти, бутици, центри за релаксација и уживање, места за забава, како и луксузен ресторан кој ќе биде сместен во централната кула од каде ќе имате можност да уживате во одличен панорамски поглед кон водените површини и целиот ресорт.

Во водата ќе бидат инсталирани фантастични вештачки корални гребени и ќе пливаат егзотични риби донесени од различни краишта на светот. Овој подводен свет ќе може да се набљудува од апартманите кои ќе имаат стаклена платформа.

Влез во комплексот со сопствено возило ќе биде забранет, за движење низ него ќе бидат обезбедени електрични возила, мали чамци на акумулатори и скутери.

Првичните проценки на трошоците за изведба на проектот се 500 милиони американски долари.

Кликнете ТУКА за да ги погледнете нашите денешни содржини.

Facebook FAN page