Со оглед на тоа дека првиот впечаток е најважен и нема втора шанса за истиот, мажите се обидуваат да бидат оригинални и заводливи. Во продолжение прочитајте како треба и како не треба да се однесувате кога ѝ приоѓате на некоја девојка.
ЕДНОСТАВЕН РАЗГОВОР
Најлесен и наједноставен начин да започнете разговор е да започнете со претставување. Ако го кажете своето име и ја прашате девојката дали може да ја почастите пијачка, сигурно нема веднаш да избега.
СЕКСОТ ЧУВАЈТЕ ГО ЗА СПАЛНАТА СОБА
Дури и ако планирате авантура за една ноќ, не треба тоа веднаш да го потенцирате. Па кој знае, можеби девојката ќе Ве освои, па нема да ја посакате само за една ноќ.
БИДЕТЕ РОМАНТИЧНИ
Тешко дека некоја жена ќе успее да одолее на убави, романтични гестови, како на пример покана за прошетка на плажа, понуда да ја превезете дома, да ѝ го дадете своето палто… Тие гестови нема да ја навредат жената. Напротив, таа ќе го цени Вашиот искрен и смирен пристап.
ИЗБЕГНУВАЈТЕ ЗДОДЕВНИ ФРАЗИ
Во никој случај девојката не смее да помисли дека сте неоригинални, здодевни и неискрени, па затоа избегнувајте здодевни и типично машки фрази. Тие ќе ѝ дадат впечаток дека таа е само една во низата на девојки на кои сте се обиделе да им ја „продадете“ таа приказна.
ХУМОРОТ СЕКОГАШ УСПЕВА
Важно е да правите разлика помеѓу она што навистина е смешно и она што само вие мислите дека е смешно. Во секој случај, хуморот е најдобар начин за опуштање на целата ситуација и за позитивен прв впечаток.
ГРАНИЦА НА ДОБРИОТ ВКУС
Оваа граница се надминува со груби и егоцентрични изјави. Дури и ако не сте сериозни, избегнувајте било какви изјави кои може да ја потценат интелигенција или да го навредат достоинството на девојката, а би ве величеле вас. Подобро кажете некоја шега на своја сметка.
Станете наш facebook фан. Ви Благодариме!
