Ако сте љубител на благичко и често ви „паѓа“ шеќерот, ќе ви се допадне овој брз рецепт, за чија подготовка нема да ви бидат потребни повеќе од 15 минути.
За подготовка на овој чоколаден мус потребни се следниве состојки:
300g темно чоколадо (70% какао), 3 jajца, 1 лажица какао, ¼ шолја шеќер, 300ml слатка павлака.
Чоколадото растопете го на пареа или на тивок оган. Кога добро ќе се стопи, тргнете го од оган и оставете го да се олади. Во сад за матење изматете ги јајцата и шеќерот и се додека смесата не стане густа (односно додека не се дуплира нејзиниот волумен). Во таа смеса додадете го растопеното чоколадо и какаото во прав и матете ги заедно додека не добиете хомогена смеса. Во посебен сад изматете ја слатката павлака и постепено додавајте ја во претходно подготвената смеса. Матете додека не добиете пенеста смеса. Подготвениот чоколаден мус ставете го во чаши или мали чинии и оставете го во ладилник околу еден час. По желба, може да го украсите со шлаг или рендано чоколадо.
Станете наш facebook фан. Ви Благодариме!
