Диско вечерта на SCREAM MUSIC FESTIVAL во COLOSSEUM Club

Со цел да не се менува датумот на диско вечерта на второто издание на SCREAM MUSIC FESTIVAL и истата да се одржи како што беше најавено на 17-ти февруари, организаторите Нова Икс Идеја го преместија настанот од Метрополис Арена во клубот Колосеум во Скопје. Шарам од Дип Диш, Грамофонџие, Умек и нашиот Никифор се оние кои со огромно задоволство поради настапот токму на сцената на која досега имале неколку свои сетови, ќе го вратат сјајот на клубските журки во Скопје.

“Преместувањето на рок-вечерта за 18-ти февруари е причината поради која моравме да ја дислоцираме диско вечерта на SCREAM MUSIC FESTIVAL од Метрополис Арена. Рано утрото на 17-ти нашата техничка екипа ќе започне да ја мести сцената на која ќе настапат бендовите во сабота, а истите тие во петок треба да имаат и генерална проба на таа сцена. ДЈ-ите кои ќе настапат на диско вечерта на огромно задоволство прифатија настанот да се одржи во клубот Колосеум со цел да бидат поблиску до публиката и да ги почувствуваат заедничките вибрации. Колосеум има капацитет да ги собере сите почитувачи на клубската сцена и не се сомневаме дека во петок ќе се случи шестчасовен спектакл за кој долго ќе се зборува.” – изјавуват организаторите Нова Икс Идеја.

Сите технички елементи кои беа најавени како составен дел од диско вечерта на Скрим Мјузик Фестивал ќе бидат дел од сетовите на ДЈ-ите во клубот Колосеум. Цената на билетите кои можат да се набават преку продажната мрежа на mktickets.mk, Тобако Тугедер салоните низ цела Македонија, Југотон, Цвеќара Розе Веро 2 и Камарад Рамстор изнесува 600 денари.

iLike.mk ја поддржува македонската музичка сцена и дава несебичен придонес кон промивирање на истата. Вашите новитети (песни, спотови, фотографии, најави за концерти и сл.) ги очекуваме на contact@ilike.mk.

Станете наш facebook фан.