ВАЖНО: Одложена РОК вечерта на SCREAM MUSIC FESTIVAL

Снежното невреме кое ја зафати речиси цела Европа е причината поради која рок вечерта на второто издание на SCREAM MUSIC FESTIVAL која што требаше да се одржи оваа сабота, се одложува за наредната (18-ти февруари). Ареа, САРС, Негатив, Електрични Оргазам, Санаториум и најголемото изненадување на фестивалот Ласт Експедишн се бендовите кои ќе настапат на сцената на Метрополис Арена на второто издание на SCREAM MUSIC FESTIVAL.

“Отежнатата состојба на меѓународните патни правци е причината поради која го одложуваме случувањето на рок спектаклот на SCREAM MUSIC FESTIVAL за 18-ти февруари. Сакаме гостите од соседството да пристигнат безбедно и на своите обожаватели од Македонија да им овозможат вистинско рок доживување.” – изјавуваат организаторите Нова Икс Идеа.

Билетите кои беа пуштени во продажба за 11-ти февруари ќе важат за новиот датум на случувањето на настанот, 18-ти февруари. Продажната мрежа на mktickets.mk, Тобако Тугедер салоните низ цела Македонија, како и Југотон, Цвеќара Розе Веро 2 и Камарад Рамстор се местата каде можат да се набават влезниците за ова второ издание на SCREAM MUSIC FESTIVAL по цена од 600 денари и 800 за галерија. На самиот ден на фестивалот на вратата на Метрополис Арена билетите ќе изнесуваат 800 денари.

iLike.mk ја поддржува македонската музичка сцена и дава несебичен придонес кон промивирање на истата. Вашите новитети (песни, спотови, фотографии, најави за концерти и сл.) ги очекуваме на contact@ilike.mk.

Станете наш facebook фан.