Пред 10-тина дена, креативното студио „Преплет“ ја презентираше најновата колекција наменета за претстојната сезона. Како и досега, новата приказна успешно ја спакуваа во еден прекрасен каталог.
Викторија и Магдалена велат:
Темата на овој каталог e еден вид на собир т.н. “book club”. Собирот е помеѓу неколку девојки во литературното кафуле „Метаноја“ каде тие дискутираат за последниот роман кој го прочитале. Придружени од вкусна храна, топли пијалоци и интересната тема на разговор, тие уживаат во дождливиот ден на есента и производите на „Преплет“.
Со цел да го постигнеме амбиентот кој го посакувавме, овојпат направивме неколку соработки кои нѝ помогнаа во мисијата. Пред сè, благодарни сме ѝ на Верче Карафилоска која со нејзиниот роман „Бездомникот со златен часовник“ беа водичот на оваа тема за каталог. Понатаму, sitnoseckano.com и Бојана кои се погрижија за прекрасните специјалитети кои се сместија во овој каталог. За да се долови оваа прекрасна атмосфера, со сите нејзини детали и експресии на моделите се погрижи Даниел Ѓурчиновски.
И за крај мораме да ги споменеме и останатите девојки без кои нема да беше комплетна оваа приказна, а тоа се: Марија Ристова, Емилија Ланговска, Андреа Велинова и Билјана Радиноска.Ние сме навистина презадоволни од целиот тим и се надеваме дека ќе ви ги пренесеме позитивните вибрации со епицентар од нашето студио.
Погледнете дел од атмосферата од промоцијата на новата колекција.
Магдалена и Викторија
Станете наш facebook фан. Ви Благодариме!
