Креативното студио „Преплет“ прослави втор роденден и претстави нова колекција

Пред три дена, креативното студио „Преплет“ со одлична забава во кафулето „Кино Карпош“ го прослави својот втор роденден. На настанот беше претставена и новата колекција наменета за претојната сезона, пролет-лето 2015.

Креативните девојки кои стојат зад брендот „Преплет“, Викторија и Магдалена, велат:

Помина уште една зима, дојде уште една пролет. Развеселени, расположени и расцветани ние ја отворивме вратата за нашите нови производи оваа сезона.
Овојпат, колекцијата ја збогативме со неколку предмети плус: винтиџ шолји за чај, чинии, шолји за кафе со тацни, ранчиња, платнени подметачи и маички на прерамки. Покрај овие нови производи, тука се и нашите стандардни декорации за домот како: постери, подметачи, нотеси, беџови и сл.
Ова е почеток на уште една приказна, почеток на нова сезона, ова е уште еден преплет од убави моменти во кои се надеваме ќе се пронајдете и ќе уживате!