Освен што ни го подобрува расположението и нè прави среќни, слушањето музика има позитивни ефекти и врз физичкото здравје. Вежбањето е многу полесно и поефикасно доколку истовремено слушаме музика која ни се допаѓа. Еве зошто не треба да се потценува моќта на музиката.
ГО НАМАЛУВА КРВНИОТ ПРИТИСОК
Една студија покажала дека слушањето класична музика, пола час дневно, го намалува крвниот притисок. Ако не ви се допаѓа класичната музика, на ист начин влијаат и звуците кои ви предизвикуваат позитивни чувства и не ве вознемируваат. Тие имаат влијание врз невролошкиот систем кој го поттикнува задоволството, и даваат исто чувство како и парче вкусно чоколадо.
ЈА НАМАЛУВА НАПНАТОСТА
Слушањето музика, половина час дневно, го намалува нивото на хормонот кортизол кој се излачува кога сме под стрес. Музиката поуспешно го намалува нивото на овој хормон, отколку седењето во тишина. Длабоко дишење и омилената музика ја намалува напнатоста речиси исто како и масажата.
УБЛАЖУВА БОЛКИ
Омилената песна влијае и врз намалување на физичката болка. Затоа, кога нешто ве боли, седнете или легнете и слушајте 2-3 омилени песни.
Станете наш facebook фан. Ви Благодариме!
