Во текот на есента, зимата и ветровитите денови, нашата кожа е изложена на негативни временски услови, што доведува до нејзино сушење, пукање и иритација. Студеното време бара дополнителна и правилна нега на кожата со цел таа да се одржи влажна, мека и мазна. Зимските временски услови ја сушат и иритираат здравата кожа, а особено ја вложува состојбата на постојните хронични кожни болести како што се атопичен дерматитис, себороичен дерматитис, псоријаза и егзема. Црвенилото и проширените капилари стануваат поизразени поради нагло преминување од надворешен студ во топла просторија. За да се спречи кожата од сушење и други непријатности на кои е изложена во текот на студените денови, потребна е нејзина дополнителна нега.
Хидратација на кожата
Неопходно е надоместување на влажноста која кожата ја губи кога се изложува на студ. Природните навлажнувачки фактори, витамините и хранливите материи ѝ се потребни на кожата. Кремите кои нив ги содржат треба да се употребуваат неколку пати во текот на денот: после миење на лицето, после туширање и пред изложување на студ.
Заштита од сонце
Зимското сонце, во комбинација со неговата рефлексија во снегот премногу ја оштетува и суши кожата. Затоа е потребно да се користи крема со заштитен фактор (најмалку SPF 15) кој штити од УВА и УВБ зраци. Неопходно е да се заштитат сите делови од телото кои се изложени на сонце (рацете, лицето, ушите).
Туширање и миење на косата
Во текот на зимскиот период, за туширање треба да се користи млака вода, а да се избегнуваат долги, топли бањи кои ја дехидрираат кожата. Исто така, треба да се избегнат антибактериски сапуни кои целосно ја обезмастуваат кожата.
Нега на рацете
Кожата на рацете е потенка и почувствителна во зимскиот период бидејќи има помалку лојни жлезди, а тоа доведува до нејзино сушење, испукување и развој на егзема. Затоа се препорачува да не се вршат подолготрајни работи во домот без заштитни ракавици. Носењето ракавици за време на изложување на студ и честото користење на хидратантни креми, значително ја заштитува кожата на рацете.
Пилинг на кожата
Пилингот помага во отстранување на мртвите клетки од површината на кожата и овозможува подобро продирање на хидратантните креми во неа. Ако кожата е премногу сува, треба да се избегнуваат маски или тоници кои се базираат на алкохол.
Навлажнувач на воздух
Затворените простори во кои се употребува парно греење или термо печка, брзо го сушат воздухот. Навлажнувачите на воздух ќе го спречат сушењето на кожата предизвикано од сув и топол воздух.
Нега на усни
Усните се посебно чувствителни на студ, лесно се сушат и испукуваат. Затоа, штом почувтвувате дека се суви веднаш нанесете балсам за усни. Навечер пред спиење нанесете подебел слој балсам за усни, кои ќе ја одржат нивната влажност и нежност. Исто така, медот значително ги омекнува усните.
Станете наш facebook фан. Ви Благодариме!
Станете наш facebook фан. Ви Благодариме!