Кога жените се во потрага по вистинскиот маж, често се случува да наидат на оној кој изгледа совршен за нив, но сепак не им се допаѓа. Следниве знаци ќе ви покажат дали момчето со кое сте во моментов вистински ви се допаѓа.
Се на него ве нервира
Велат дека кога љубовта е слепа и глува, дури и најлошите маани на нашиот партнер изгледаат симпатично. Но, од друга страна, излегувањето со некој што постојано ве вади од такт, дури и за најмали и потполно неважни ситници ќе ви докаже нешто друго. На пример, ако ве нервира начинот на кој зборува, како се облекува, како се смее и други ситници, можете да бидете сигурни дека едноставно си го трошите времето со него и тој не е за вас.
Наоѓате изговори за да не се видите
Ако дури и излегувањето со колегите ви се чини поинтересно отколку излегувањето со него, ако сами постојано наоѓате изговори за да ги избегнете состаноците со партнерот, време е да бидете искрени и пред себе и пред него и да ставте крај на таа врска.
Не сакате да го запознаете со вашето друштво
Понекогаш поради страв од осаменост жените излегуваат со некој кој воопшто не им се допаѓа, а од друга страна пак, не сакаат да го запознаат со родителите и пријателите бидејќи длабоко во себе знаат дека тој не е вистинскиот маж за нив.
Мислите дека тој премногу се труди
Ако ве нервираат сите романтични и убави работи кои тој ви ги приредува, ако мислите дека тој премногу вложува и форсира, дефинитивно тој маж не е за вас.
Избегнувате физички контакт
Веројатно најдобриот знак кој ќе ви помогне да оцените на време дали треба со некој да бидете е дали посакувате физички контакт со него. Ако секогаш кога тој се обидува да ве прегрне и вие се извлекувате, а помислата дека треба да ве бакне ве нервира, на врската и нема спас.
Станете наш facebook фан. Ви Благодариме!
