Идеална жена во машките очи

Секој маж е единствен по својата природа, како и според барањата кои ги има кон жената. Но, еве неколку клучни женски особини кои мажите ги преферираат.

САМОДОВЕРБА
Привлечноста на жената и сигурноста во нејзиниот изглед е она што му се допаѓа речиси на секој маж. На тој начин покрај себе може да има дама која знае да се носи со него.

СМИСЛА ЗА ХУМОР
Никој не сака да биде со личност која секогаш е сериозна и полна со песимизам. Момците сакаат девојки кои знаат да се насмеат на нивните шеги и кои самите умеат да кажат нешто смешно.

ДОБРО НЕГУВАНА
Изгледот е од особено значење. Впрочем, тоа е она што ги привлекува мажите на самиот почеток. Најмногу се палат на добро негувана жена со здраво тело која внимава на себе.

НЕЗАВИСНОСТ
Жената чие однесување сугерира дека во иднина ќе се потпре исклучиво на својот маж не е многу атрактивна. Мажите сакаат внимание и грижа, но во исто време им треба и сопствен простор.

РАЗБИРАЊЕ
Сосема е точно дека спротивностите се привлекуваат, припадниците на посилниот пол се во потрага по жена која ќе ги почитува нивните уверувања и ќе ги дели нивните интереси.

ИСКРЕНОСТ И ВЕРБА
Не е потребно посебно да се истакнува дека секој партнер и сопруг сака жена која ќе му биде верна и нема да го лаже. Тој едноставно мора да биде сигурен дека таа нема да флертува наоколу секој пат кога тој нема да биде во нејзина близина.

ЗРЕЛОСТ
Детскиот говор може да биде интересен извесно време, но повеќето мажи бараат жени кои се зрели и знаат да разговараат. Кој сака да биде со личност која разговара само за облека и шминка? Исто, жените кои премногу пцујат не се многу привлечни.

ГРИЖА И ВНИМАНИЕ
Мажот се чувствува добро кога знае дека неговата девојка или жена му посветува внимание, забележува мали нешта и се грижи за неговите потреби. Од друга страна, мразат кога жената ги уценува со недостаток на внимание со цел да оствари некоја своја желба, или пак, да ги казни за некое однесување.

ПОДДРШКА
Мажот сака жена која ќе го ислуша и нема да го исмее или пак да го потцени. Некој кој ќе биде на негова страна, ќе му даде објективен совет и ќе му помогне да изгледа добро пред другите луѓе.