Сиа го објави видеото за радискиот хит „Cheap Thrills“, а во истото повторно можеме да уживаме во неверојатната танц изведба на 13-годишната Меди Зиглер.
Талентираната Зиглер веќе неколку години соработува со австралиската ѕвезда Сиа, а досега беше дел од нејзините спотови за хитовите „Chandelier“, „Elastic Heart“ и „Big Girls Cry“, кои кумулативно се погледнати 1,7 милијарди пати само на јутјуб. Видеото е во режија на Даниел Аскил и Сиа, а кореографијата е направена од страна на Рајан Хефингтон, кој работеше и на кореографиите за нејзините претходни спотови.
Инаку, песната „Cheap Thrills“ првично била напишана за Ријана, но таа одбила да ја сними.
Станете наш facebook фан. Ви Благодариме!
