Каролина Гочева изненади со нова песна – „Бегај, бегај“

Македонската музичка дива Каролина Гочева ги изненади своите фанови со нова песна, „Бегај, бегај“.

Всушност, „Бегај, бегај“ е преработка на насловната тема од култната македонска серија „Трст виа Скопје“. Музиката е дело на Кокан Димушевски, зборовите ги напиша Весна Малинова, а Никола Мицевски го направи аранжманското решение.

Инаку, Каролина на 13 декември ќе одржи голем концерт во „Борис Трајковски“ кој претставува завршница на концертната промоција на одличниот „Македонско девојче 2“.