Доколку сакате да ги бојадисате ѕидовите, а не знаете која боја да изберете, прочитајте неколку совети од древниот кинески систем Фенг шуи. Оваа кинеска вештина, стара 3500 години, се поврзува со уредување животниот и работниот простор. Истата нуди теорија која влијае врз квалитетот на нашиот живот. Бојата е еден од најважните елементи во домот, кои треба да бидат усогласени со нашиот карактер. Фенг шуи се темели на 5 елементи: оган, метал, земја, дрво и вода. Секој од овие елементи има своја боја, која различно влијае врз различни луѓе.
Елементи и боја
Дрво – зелена и сина боја
Оган – црвена и портокалова боја
Земја – жолта боја
Метал – бела, беж и сребрена боја
Вода – темно сина и црна боја
Влијание на боите
Зелена боја – Зелената боја смирува, поттикнува креативност, поттикнува раст и регенерација, претставува надеж.
Црвена боја – Буди апетит, го стимулира метаболизмот, дава енергија, но може да предизвика и вознемиреност.
Жолта боја – Поттикнува комуникација и односи со околината, добро влијае врз „затворени“ луѓе бидејќи ги поттикнува да бидат порелаксирани.
Кафеава боја – Оваа боја симболизира стабилност, топлина и спокојство.
Бела боја – Симбол за чистота и едноставност.
Сина боја – Сината боја смирува и поттикнува размислување и учење.
Црна боја – Употребувајте ја внимателно и во мала мера. Поттикнува размислување, но и затвора.
Станете наш facebook фан. Ви Благодариме!
