Oвен
Расположението ви се подобрува исто како и материјалната состојба. Доколку се занимавате со работа поврзана со техника, ќе бидете во ситуација да ги материјализирате квалитетите. Сега треба да бидете вешти и да го зачувате стекнатото, но тоа треба да го направите и со партнерот.

Бик
Конечно се смиривте и сите шанси да ги средите недоразбирањата се на ваша страна. Се’ уште се чувствуваат последици на незадоволство, но упорни сте и енергични, па излегувате од кризата. Слободните моменти поминете ги со блиските и одете на прошетка.

Близнаци
Растргнати сте на повеќе страни, па последица на тоа е нервоза. И покрај тоа што ви одговара повеќе работи да извршувате истовремено, малку претеравте. Слободните моменти ги користите на погрешен начин. Наместо да се одморате, вие правите планови кои ве туркаат во уште понапорна работа.

Рак
Донесувате битни одлуки и ставате точка на нешто. Решени сте да влезете во нов период и од корен да го промените пристапот кон проблемите. Во право сте, но ви е неопходна нечија поддршка. Одлично соработувате со оние што се на иста бранова должина со вас.

Лав
Решавате семејни проблеми. Опкружени сте со филозофи кои многу зборуваат, а не им ни паѓа на памет да засукаат ракави. Успешно ќе си ја завршите својата работа и ќе им покажете на сите колку сте успешни. Избегнувајте расправии со партнерот.

Девица
Денес не сте ни практични ни перфекционисти. Дефинитивно се изгубивте во разни еротски и љубовни фантазии, најдобро би било и да останете во нив. Кога ќе ја увидите грешката, ќе ви биде чудно, порано не ви се случило ништо слично.

Терезија
Конечно кризата помина. Краткиот одмор користете го да се „соберете“, претходните денови бевте растроени. И покрај тоа што се трудите вината да ја најдете во другите, не сте во право. Ви недостасува флексибилност, потрудете се да се промените.

Скорпија
Полека закрепнувате од разни стресови. Емотивната бура поминува, но, сепак, мора да се запрашате колкав е вашиот дел од одговорноста. Само со реално согледување на ситуацијата може да ги согледате ситните грешки. Бидете реални и одмерени.

Стрелец
Професионалниот успех не ве задоволува. Потребно ви е нешто многу повеќе за да го најдете внатрешниот мир. Тоа што коректно ги извршувате обврските не значи дека сте задоволни, сонувате за нешто недостижно. Некои од вас размислуваат за проширување на семејството.

Јарец
Ситуацијата бара промена. Мора да се приспособите и да бидете модерни. Доколку не продолжите да се борите со сите сили и не се промените, ќе имате проблеми. Но, стабилни сте, па тешко ви паѓа тоа. Правите многу грешки, бидете внимателни.

Водолија
Ќе имате успех во се’ со што ќе почнете да се занимавате. Креативни сте и исклучително способни. Ќе и’ наметнувате на околината современи погледи. Некој постојано ве надгледува, околината не може да се навикне на вашето неконвенционално однесување.

Риби
Пред себе си поставивте многу задачи, па фанатички се трудите да ги реализирате. Колку ќе успеете во тоа, навистина е дискутабилно, бидејќи повеќе ви одговара да зборувате отколку да работите. Барајте поддршка од некој близок, ќе ви биде полесно.

Извор: Утрински

iLiKE.MK ПРИМА НОВИ АВТОРИ! ПОВЕЌЕ ИНФОРМАЦИИ ТУКА.

Станете наш facebook фан.

Доволно е само да го слушнеме неговото име за да потонеме во текстовите од неговите познати песни. Мора да признаеме дека секој од нас се пронаоѓа во по некој стих. iLike.mk само за вас се потруди да создаде листа од најубавите цитати на незапирливиот Балашевиќ. Пуштете ја омилената песна од него и уживајте во првиот дел од овие прекрасни цитати!

“Сите глумеа принцези и светици. Веројатно секоја од нив би барала да престанам да пцујам, пушам и да се однесувам попристојно. Сите би барале да ги држам како капка на дланка, да не се шегувам на нивна сметка. Би барале да ги носам на убави места и слично. А таа… Таа го прифати секој дел од мене и никогаш не побара да се сменам. А, ме смени. Таа е едниствената на која ѝ ја кажав вистината за тоа што чувствувам. Не бараше да ја држам како капка на дланка. Тоа што ја сакав и беше сосема доволно.”

“Во тајна мисија сум… Мојот дом е мала светулка во небесното море, а ја сум дојден на оваа планета за да те усреќам. Ти само спиј… Тие не го знаат она што ние го знаеме…”

“Постојат милион градови од кои можеш да си одиш, но само еден во кој можеш да се враќаш.”

“За 10 години случајно ќе се сретнеме, срамежливо ќе се погледнеме. Ќе се сетиме на глупостите од детството. Ќе ми кажеш дека си мажена, дека работиш многу и дека си среќна. Јас ќе ти кажам дека сум оженет, дека имам две деца, дека сум среќен и дека сѐ е онака како што замислував. Кога ќе заминам, само ќе ти шепнам дека мојата ќерка ја крстив по тебе…”

“Секогаш кога ќе посакам нешто, желбите баш и не ми се исполнуваат… Негде се застанати. Можеби се исполнуваат на некој друг? Нема да е прв пат… Нема врска, не се лутам. Тоа се добри желби, штета би било ако пропаднат…”

“Кога таа би била снегулка, јас сигурно би бил јануари.. И не би можеле да не замислат еден без друг…”

“Луѓето се како школки. Мораш да отвориш илјада за да пронајдеш бисер.”

“-Ти ја сакаш.
Ги спуштив рамениците, ја кренав раката и го доближив часовникот до увото.
- Па, не знам… Приметив дека и часовникот ми чука побрзо кога некој ќе ја спомне…”

“Поубаво ми е да ѝ кажам нешто глупаво – да ја насмеам, изнервирам, налутам… Само да ја видам таа нејзина глупа реакција која многу ја сакам.”

“Ваква тешко дека ќе те засака, тешко дека ќе ѝ се допаднеш и тешко дека ќе ти го признае тоа. Но и кога ќе ти признае, повторно тешко ќе ти подари љубов. Но кога ќе те засака, ваква пријателе, никогаш нема да те излаже или изневери. Таква е таа…”

“Размисли… Сфати дека сепак сум големо ѓубре и дека нема никогаш да ја сакам. Онака класично. Не можам да бидам тука за неа, а секогаш ќе очекувам таа да биде тука за мене. Не можам да ја прегрнам кога ќе ѝ биде најтешко, а знам дека таа мене ќе ме прегрне.”

“Сакав само последен пат да ѝ шепнам дека таа беше моето сѐ. Пази “беше”. Всушност беше и остана мое сѐ, но тоа е.”

“Но, таа понекогаш многу убаво се смее. Па пет минути во нејзино друштво ми се исти како да сум добил на лото. Се движам низ улицата како народен херој, во еден момент се издигнувам над сите згради и нема поголемо и посилно суштество од мене на целата вселена. Затоа оние трите не ме интересираат. Не би ме интересирале и ако се триста. Кога ја сакам само неа.”

“Срцето ми пукна на два дела… Љубовта е преголем товар. И тоа што толку те сакам… не те сакам!”

“-Чекај, дали таа се грижи за тебе?
-Не знам…
-Зошто не ја прашаш?
-Покрај сѐ, уште несреќна љубов ми фали.
-Па, знаеш како викаат… Не е љубов ако не е несреќна!”

Автор: IVY

iLiKE.MK ПРИМА НОВИ АВТОРИ! ПОВЕЌЕ ИНФОРМАЦИИ ТУКА.

Станете наш facebook фан.

Маја Керова-Бабунска, сопруга и мајка на две ќерки, од јуни 2010 се бори со ракот на дојка, кој и после хируршкиот зафат и стандардната терапија која сеуште ја прима, метастазира на карлицата и коските на десната нога, бележи промени во белите дробови и црниот дроб.

Заради ваквата дијагноза потребно е лекување во Клиниката на Др.Бурзински во Хјустон која третира пациенти заболени од рак со специјализирана персонализирана терапија базирана на молекуларно профилирање. Резултатите од третманот кој се практикува во клиниката се фасцинантни, а трошоците за лекувањето изнесуваат од 60-180.000 американски долари.

Донирајте преку мрежите на:
- VIP 077 143 702
- T-Mobile 070 143 132
- ONE 075 143 133

Или на девизната сметка:
Maja Kerova
Ul. Ilindenska 60/13 Kavadarci Makedonija
IBAN: MK07210501634288447
SWIFT:TUTNMK22

Кликнете ТУКА за да ги погледнете нашите денешни содржини.

Станете наш facebook фан.

Овен
Околностите се погодни за зближување со лицето што ве привлекува на интелектуално ниво. Вашите планови ќе бидат изложени на туѓи погледи. Имате конкуренција. Внимавајте на притисокот, срцето и расположението. Во донесувањето заклучоци држете се до фактите.

Бик
Ништо не оставајте му на случајот. Партнерот гледа и слуша повеќе отколку што мислите. Ќе напредуваат оние што се занимаваат со интелектуална работа. Чувајте се од настинки. Обидете се да се наметнете со своите идеи.

Близнаци
Ситуацијата ќе се менува од ден на ден. Вашиот партнер ќе наидува на проблеми во желбата да ве усреќи. Една работа ќе се искомплицира. Некој нема да забележи каде грешите, затоа потрудете се да останете смирени, но и трпеливи.

Рак
Обидете се малку повеќе да мислите на себе, а помалку да се заморувате со ставовите на другите луѓе. Можно е минливо незадоволство со моменталниот работен статус. Ослободете се од негативните мисли и бидете поолабавени. Внимавајте на заштедата.

Лав
Може да се каже дека сте во елемент. Вредно работите, но резултатите се’ уште не се видливи, барем кога станува збор за парите. Затоа како по обичај ве фаќа паника. Што се однесува до сигурноста и стабилноста на нервниот систем, не грижете се, се’ е во најдобар ред.

Девица
Пред Девиците е пријатен ден. Не мора многу да работите, а време за муабет ќе имате премногу. Никој како припадниците на овој комуникативен знак не умее така слатко да пренесува трачови, па затоа воопшто не им се забележува. Партнерот по којзнае кој пат ви ја докажува љубовта.

Терезија
Се чувствувате феноменално благодарение на успешно завршениот проект, поради што бевте во исчекување. Ве очекува напредок во работата со која се занимавате и успех поврзан со склучување договори. Не откажувајте се од нив, па макар и да се брачни.

Скорпија
Контролирајте го својот однос и однесување спрема партнерот, зашто ќе ве мачи љубомора. Ќе ви се разнишаат некои деловни поставки. Проверете ја способноста на соработниците. Кажете им „не“ на пороците и лошите навики. Свртете се кон себе.

Стрелец
Многу припадници на знакот доживуваат незаборавни моменти со саканото лице. Се наоѓате во ситуација да фантазирате и да бидете наклонети само кон убави работи. Кога ќе излезете од таа фаза, ќе ви биде тешко да се навикнете на реалноста.

Јарец
Бурата стивнува и се трудите да се смирите. Доколку никој не го загрози вашиот личен интегритет, тоа и ќе успее. Нема да бидете во ситуација да ги провоцирате другите, но затоа тие ќе си играат со вашата трпеливост. Доколку се опаметивте, нема да успеат, до вас не допираат нивните интриги.

Водолија
Воздржете се од љубовната акција. Би можеле погрешно да ги процените околностите. Работата ќе ве ослободи од напнатоста и од негативната енергија. Не влегувајте во илегални активности. Ослободете се од напнатоста и нервозата. Вложете во образованието.

Риби
Доколку ги совладавте препреките, може да очекувате нормален ден. По малку сте глуви за совети отстрана, почнете да учите од своите грешки. Потрудете се нормално да функционирате во партнерско-брачните односи ако сакате да ги намалите нервозите.

Извор: Утрински

iLiKE.MK ПРИМА НОВИ АВТОРИ! ПОВЕЌЕ ИНФОРМАЦИИ ТУКА.

Станете наш facebook фан.

Зумба, мешавина помеѓу латино танц и аеробик. Едночасовна забава каде што вежбањето се претвора во уживање и неверојатна исполнетост. Забава каде што можете да играте на ритамот на вашите омилени латино танци. Сензуално и динамично во исто време. Одговара на луѓето кои сакаат брзи нешта. Игра преку која ќе потрошите многу енергија, а на крајот на часот ќе се чувствувате со уште повеќе енергија. Зумбата како танц е пронајдена уште во 90-те години, но и требале околу 5-6 години за нејзиниот развој.

Нејзиниот основач е колумбискиот танчер и кореограф Алберто Бето Перез.
Еднаш на својот час по аеробик ја заборавил музиката за вежбите за тој ден и решил да импровизира со салса музика која случајно ја имал со себе. Часот бил апсолутен хит. И така настанала зумбата како танц.

Зумбата се појавила во САД во 2001, кога Перез ја донел во Мајами, Флорида. Во 2002 година почнуваат да се продаваат компакт дискови со зумба кореографии и со тоа се зголемува интересот за зумбата и за повеќе зумба инструктори, воопшто. Веќе во 2005 година поради преголем интерес се отворила Зумба Академијата која што била основана за да може да се обучуваат инструктори по зумба. Со ексклузивно водство од разновиден тим на професионални кореографи, фитнес експерти и сертифицирано-образовани специјалисти, Зумба Академијата поставила нови стандарди на фитнес програмата. На тој начин се обезбедува највисоко ниво на интегритет, квалитет и посветеност кон совршенство кое ги надминува стандардите.

Во зумбата нема ограничување, може да вежбаат и стари и млади, и мажи и жени.

Кореографиите се едноставни и лесни за следење. Тие во себе вклучуваат елементи од хип-хоп, самба, ча-ча-ча, салса, мамбо, дури и движења од стомачните танци. Вкупно 14 милион луѓе неделно посетуваат часови по зумба и тоа во повеќе од 140.000 локации во над 150 земји во светот.
Да бидеме реални, вежбањето може да биде здраво и да ни донесе голем бенефит.

Зумба фанатиците постигнуваат долгорочни бенефиции додека доживуваат апсолутна експлозија во еден возбудлив час на трошење калории, танц полн со инспирирачки движења кои вовлекуваат и освојуваат за цел живот. Доколку еднаш почнете да вежбате тешко дека ќе се откажете. Зумба часовите се “фитнес – забави” кои се вклопуваат оптимистички во светот и наменети за телото да го чувствува тренингот како прослава.

Зумбата ве вовлекува во нејзиниот свет и пред да забележите веќе сте станале зависни од неа!

Автор: Iv

iLiKE.MK ПРИМА НОВИ АВТОРИ! ПОВЕЌЕ ИНФОРМАЦИИ ТУКА.

Станете наш facebook фан.

Пауло Коељо е бразилски писател, еден од најпознатите писатели во светот. Доколку сте обожавател на романи сигурно сте прочитале едно од неговите дела како што се “Брида”, “Единаесет минути”, “Вештицата од Портобело”, “Алхемичарот” или “Вероника реши да умре”. Неговите книги се преведени на повеќе од педесет јазици. Ние со вас споделуваме некои од неговите познати цитати.

Уживајте!

“Чекањето е болно. Заборавот е болен. Но, незнаењето е најлошо.”

“Сè што се слушува еднаш, никогаш нема да се случи повторно. Но, сè што се случува два пати, сигурно ќе се случи и трет пат.”

“Биди храбра. Преземај ризици. Ништо не може да го замени искуството.”

“Можеш да станеш слеп ако веруваш дека секој ден е ист. Секој ден е различен, секој ден има нови чуда. Само треба да обрнеш внимание на чудата.”

“Цел живот се сведува на чекањето на вистинскиот момент за да се делува.”

“Паметните се паметни бидејќи тие љубат. Будалите се будали бидејќи мислат дека ја разбираат љубовта.”

“Љубовта може да не вовлече во пеколот или во рајот, но секогаш не носи некаде.”

“Луѓето не сакаат да зборуваат за нивните приватни животи, но на интернет секогаш се поотворени.”

“Кога љубиме, секогаш се обидуваме да станеме подобри. Кога се обидуваме да станеме подобри отколку што сме, сè околу нас изгледа подобро.”

“Сè ми укажува на тоа дека донесувам лоши одлуки, но донесувањето одлуки е дел од животот. Што сака светот од мене? Дали сака да не преземам ризици, да се вратам од каде што дојдов бидејќи немав храброст да му кажам „да“ на животот?”

“Кога некој заминува, тоа значи дека некој друг пристигнува.”

“Љубова е бунтовничка сила. Кога се обидуваме да ја контролираме, не уништува. Кога се обидуваме да ја скриеме, не заробува. Кога се обидуваме да ја разбериме, не остава загубени и збунети.“

“Детето може да го научи возрасниот на три работи: да биде среќен без причина, секогаш да биде зафатен со нешто и да знае како да располага со можностите кои ги посакува.”

“Кога ќе го пронајдеш својот пат, не треба да се плашиш. Треба да имаш доволно храброст да правиш грешки. Разочарувањето, поразот и безнадежноста се работи дадени од Господ со цел да ни го покаже патот.”

“Ништо не е целосно грешно. Дури и застанатиот часовник е два пати точен во денот.”

Автор: IVY

iLiKE.MK ПРИМА НОВИ АВТОРИ! ПОВЕЌЕ ИНФОРМАЦИИ ТУКА.

Станете наш facebook фан.

На 22-ри мај со почеток од 22 часот во кафе-барот Дамар, во Старата скопска чаршија, актерката Ирена Ристиќ перформативно ќе го изведе “Верност“, текст на Сашо Димоски, во режија на Драгана Стојчевска, во рамки на циклусот драмски читања, дел од проектот “Секаде театар” на независниот театар Театра.

“Верност” е за личниот однос кон љубовта, болката и недостигањето. За единственоста која човек може да ја носи и да ја буди. “Верност” е за заразвуањето со љубов. За живеењето љубов наспроти живеењето живот.

“Тоа е моја приказна, исто колку што е сечија приказна. Сите исто љубиме, само што тоа го пишуваме со различен ракопис. Сите имаме иста болка, само што различно ни се грчи лицето во плачот. Сите исто чекаме. Во чекањето – секоја љубов трае исто. Доживотно. Речиси до засекогаш.” – вели авторот Сашо Димоски.

Овој настан е дел од проектот “Секаде театар” на независниот театар Театра кој се одржува секоја среда во 22 часот во кафе-барот Дамар и е посветен на промоција на млади автори преку драмски читања на нивните текстови.

Кликнете ТУКА за да ги погледнете нашите денешни содржини.

Станете наш facebook фан.

Овен
Сакате да ги потврдите своите практични способности пред соработниците, но не можете да најдете најдобро решение како да го изведете тоа. Во љубовниот однос добро се знае кој го има главниот збор. Наведете го партнерот да ги исполни вашите очекувања.

Бик
Не зборувајте многу за своите професионално-финансиски планови. Бидете внимателни, погрешен потег дава можност за нови компликации и професионален губиток. Кон партнерот бидете дистанцирани и ладни, но во никој случај немојте да го провоцирате.

Близнаци
Верувате во онаа верзија на нештата што ви одговара вам. Не дозволувајте проблемот со кој се соочувате да влијае на вашето расположение. Доколку сте слободни, внимателно анализирајте го лицето што ви се допаѓа. Избегнувајте неумереност и импулсивност.

Рак
Нечија порака можете да ја толкувате на различни начини, затоа потрудете се да ја согледате позитивната страна на работите. Важно е своите обврски да ги извршувате до зададениот рок, нема потреба да смислувате нови изговори. Обрнете внимание на своите основни потреби.

Лав
Немате причина да се споредувате со околината и да започнувате нови разговори. Важно е да ги испочитувате своите морални начела. Не треба да се докажувате пред лица што имаат различни критериуми од вас. Потрудете се да се релаксирате во вечерните часови.

Девица
Немате причина да ја обвинувате околината за професионалните пропусти или да се расправате со лице кое ужива голема популарност кај соработниците. Добро проценете го најдобриот момент за ефикасна акција. Партнерот за разлика од вас полесно ги решава личните и заеднички проблеми.

Терезија
Со неколку потези може да направите повеќе од вашите соработници или конкуренти. Придржувајте се до правилото дека за успехот не треба премногу да зборувате, туку треба успешно да дејствувате на повеќе полиња. На емотивен план некој ве возбудува и привлекува.

Скорпија
Од многуте информации што ги добивате доаѓате до заклучок дека ви претстојат сјајни професионални резултати и успех. Важно е да се потпрете на својот практичен дух и да зачувате добар однос со соработниците. Правите се со што можете да привлечете нечие внимание, ќе успеете.

Стрелец
Не можете во целост да ги остварите своите професионални планови, но имате сјајно претчувство дека ќе постигнете успех. Потребно е да се усогласите со соработниците, кои може да ви доверат нова улога. Се трудите да се оттргнете од сентименталното расположение, но често размислувате за нечие отсуство.

Јарец
Не е тешко да се направи добар избор во ситуација кога ви се нудат занимливи идеи или кога соработниците ви даваат значајна поддршка. Секогаш постои убава страна на вистината, но не се доаѓа случајно до неа и без добра подготовка. Изгледате самоуверено и добро сте расположени, продолжете така.

Водолија
Ситуацијата на професионален план ја толкувате на начин својствен за вас, а притоа упорно ги игнорирате случувањата што не се вклопуваат со вашите процени. Не треба да се расправате со соработниците, потрудете се да пронајдете компромисно решение. Одморете се и релаксирајте се.

Риби
Нема потреба да се оптоварувате со нечија приказна и да се грижите за иднината. Околината ви помага, затоа и постигнувате заеднички успех, а некој се труди да ви обезбеди добри материјални услови. Доброто претчувство што го имате ви навестува возбудлива забава или нова емотивна средба.

Извор: Утрински

iLiKE.MK ПРИМА НОВИ АВТОРИ! ПОВЕЌЕ ИНФОРМАЦИИ ТУКА.

Станете наш facebook фан.

Првата изложба на фотографии на тетоважи во Македонија насловена “Мојот живот во мастило” (“My life in ink“), беше отворена вчера вечер во lounge барот “Барбакан”. Организатор на овој уникатен настан што ја афирмира тетоважата како применета модерна уметност е светски познатиот бренд “Дизел” (“Diesel“), а како партнер во проектот се јавува уметникот Симон кој стои позади прикажаните тетоважи.

“Тетоважите претставуваат еден уметнички феномен, моќна супкултура која опстојува со векови. “Дизел” како бренд во секоја стилизирана модерна тетоважа препознава многу повеќе од само траги од мастило гравирани на кожата. Зад секоја тетоважа се крие еден цел уметнички космос, интимна човечка приказна раскажана моќно и храбро. Современиот сопственик на тетоважа храбро скицира нов самосвесен профил на човек, со нов однос кон себе и светот околу нас. Ние како бренд целосно ја поддржуваме таа смелост да се биде свој.” – рече на отворањето Јасмина Апостолоска, маркетинг-менаџер на Фешн груп, главен дистрибутер на “Дизел” за Македонија.

“Портретите во овој проект “Мојот живот во мастило”, галеријата на тетоважи, се повеќе од снимени фотографии, тоа се уметнички слики чие платно се живи суштества. На нив се испишани повеќе различни, но подеднакво моќни животни приказни. Ако се набљудуваат внимателно, тие откриваат свет на форми и страсни сетила кои треба да се истражуваат и да се дешифрираат. Откритието е прекрасно и токму тоа е она сакаме да ви ги презентираме вечерва.” – нагласи Јасмина.

Изложбата опфаќа 15 фотографии, и трае до 26-ти мај.

Кликнете ТУКА за да ги погледнете нашите денешни содржини.

Станете наш facebook фан.

Новиот модел на Audi, AUDI S7 привлекува огромно влијание. Овој автомобил може да се пофали со единствена форма и совршено елегантен дизајн, кои ги мамат погледите на минувачите и купувачите.

Аudi S7 е вистински предизвик, како што е наречена и рекламата за овој автомобил.
Што се случува кога старото и новото стојат глава до глава во битка со брзината и снаодливоста? Леонард Нимои го предизвикува Захари Квинто заедно со неговиот нов Audi S7. Погледнете!

Автор: IVY

iLiKE.MK ПРИМА НОВИ АВТОРИ! ПОВЕЌЕ ИНФОРМАЦИИ ТУКА.

Станете наш facebook фан.