Секој од нас обрнува внимание на рокот на траење на намирниците кои ги користи. Но, дел од нив не му штетат на организмот дури и кога ќе помине нивниот рок. Тој не секогаш е показател на квалитетот на храната.
Јајца
Ако се чуваат во ладилник, нивниот рок на траење може да трае од 3-5 недели. Секогаш земајте од ладилникот само онолку колку ви требаат, бидејќи чувањето на собна температура може да ги расипе.
Млеко
Може да се пие и е здраво за употреба и до една недела по истекот на рокот на траење. Кога е расипано, млекото го менува мирисот, изгледот и вкусот.
Кечап
Ако кечапот го чувате во ладилник, тој може да го задржи својот квалитет и до 6 месеци. Тој и после рокот на траење е безбеден за користење, а кога е расипан, го менува мирисот.
Маслиново масло
Маслиновото масло трае и до две години, а за да ги задржи неговите хранливи состојки се препорачува да се чува на ладно и темно место, каде нема да се расипе.
Кисели краставички
Отворената тегла кисели краставички има рок на траење и до една година, ако се чува во ладилник. Истото важи и за маслинките.
Оцет
Оцетот речиси и нема рок на траење. Дури и кога има промени во бојата или се појави талог, безбеден е за користење.
Мед
Не ги губи своите својства со текот на времето и може да се користи додека не се потроши.
Кафе
Може да го користите и 3-5 месеци после означениот рок на траење. Зрната кафе не ги губат својствата ниту после половина година.
Зачини
Зачините како цимет, бибер, црвена пиперка ги задржуваат својствата и 2 години по истекот на назначениот рок на траење. Притоа е важно да ги чувате во стаклен сад, на ладно и суво место.
Станете наш facebook фан. Ви Благодариме!
