Постојат одредени типови мажи со кои во никој случај не смеете да започнете врска. Иако сигурно барем еднаш сте се нашле во таква ситуација, треба да бидете свесни и да ја прекинете таа врска. Прочитајте кои типови на мажи треба да ги избегнувате.
ЖЕНЕТИ
Љубовта доаѓа кога најмалку се надевате. Но, немојте да дозволите да се заљубите во оженет човек и да бидете втората жена во неговиот живот.
ПОРАНЕШЕН
Поранешниот партнер треба да остане во минатото, а причината за тоа е едноставна. Вашата врска од некоја причина не функционирала, а таа причина најчесто е оправдана. Иако и во ваквата ситуација постојат исклучоци, прифатете: ако не оди, не оди.
СЕУШТЕ НЕ ЈА ПРЕБОЛЕЛ ПОРАНЕШНАТА
Иако ова е карактеристика и на жените, сепак не е добра. Доколку често ја споменува поранешната девојка, нервозен е ако ја види со друг, паѓа во искушение да ја побара кога ќе се поднапие, тоа значи дека сеуште не ја преболел и вие сте само период во неговиот живот. Не дозволувајте некому да му бидете само привремена терапија.
САКА ДА БИДЕТЕ ПРИЈАТЕЛКИ СО НЕГОВАТА ПОРАНЕШНА ДЕВОЈКА
Ваквата ситуација е речиси невозможна. Ако партнерот бара од вас да се дружите и да излегувате со неговата поранешна девојка, тогаш нешто не е во ред.
ВЕЧЕН АДОЛЕСЦЕНТ
Убаво е мажот да се чувствува млад, но карактеристиките на тинејџер како желбата да живее со своите родители, немање желба да работи сериозна и одговорна работа, не влеваат доверба. Сакале или не, еднаш мора да пораснеме.
Станете наш facebook фан. Ви Благодариме!