Клучот за здравјето е во јадењето разновидна исхрана. Но, вегетаријанската има многу предности. Поточно, истражувањата потврдуваат дека исхраната базирана на растителни намирници, овошје, зеленчук и житарки го намалува ризикот од дијабетес тип 2.
„Докажавме дека конзумирањето на храна без месо го намалува ризикот од дијабетес тип 2 за дури 23%“, објасни докторот на универзитетот Харвард, Qi Sun. Во истражувањето учествувале скоро 300 000 луѓе, а овој вид храна е богата со антиоксиданти кои штитат од потенцијално фатално заболување, објаснуваат експертите. Понатаму, ја подобрува чувствителноста на инсулин – хормоните кои го контролираат шеќерот во крвта и го намалува зголемувањето на телесната тежина. Исто така, помага во борбата против воспалението, објасни американски тим на научници кои работеле на ова истражување. Станува збор за прва студија од ваков вид која, меѓу другото, се занимава за разликување помеѓу здрава и помалку здрава растителна храна. Овошје, зеленчук, интегрални житарки, јаткасти плодови и мешунки се во здравата група, а компирите, белото брашно и шеќерот припаѓаат на нездравата група.
Qi Sun исто така објасни на што треба да се темели таквата исхрана за оние што го избираат вегетаријанство.
„Луѓето треба да ја базираат таквата исхрана на свежо овошје и зеленчук, интегрални житарки, тофу и друга здрава растителна храна“, вели тој. „Оние кои консумираат здрава растителна храна со фокус на свежо овошје, зеленчук, ореви и мешунки, како и минимизиран шеќер и рафиниран внес на пијалоци со јаглени хидрати, беа во можност да го намалат развојот на дијабетес за дури 30%. Овој процент е навистина значаен “, додаде тој.Сепак, важно е да се потенцира дека ова истражување потврди дека намалување на ризикот од дијабетес е забележано дури и со намален внес на храна од животинско потекло, а не само со целосно исфрлање. Сето ова е објавено во „JAMA Internal Medicine“ и служи како доказ дека исхраната е клучна за борба против болеста, која сега има погоденo околу четири милиони луѓе во Велика Британија, а која може да се избегне со промена на начинот на живот.
Станете наш facebook фан. Ви Благодариме!
