Жената која претставува столб во семејството се грижи за здравјето на сите негови членови. Но постојат неколку нездрави навики кои ги практикуваат за себеси, а им ги забрануваат на останатите. Во иднина, обидете се да ги избегнувате овие навики.
ВИСОКИ ПОТПЕТИЦИ
Според повеќето жени, високите потпетици влијаат на нивната самодоверба, бидејќи прават да изгледаат поубави и потенки. Но, високите потпетици имаат и недостатоци. Тие предизвикуваат болки во стапалата, зглобовите и грбот. Затоа носете удобни чевли кои нема да ви предизвикуваат болки.
БРЗИ ДИЕТИ
Жените најчесто започнуваат брзи и ригорозни диети, за да влезат повторно во некое постаро парче облека кое им е омилено. Прескокнување на појадокот или едноставно преживување на течности е лоша навика која може да биде штета по нивното здравје. Недостатокот на витамини и минерали штетно влијае врз многу органи.
ГРАДНИЦИ
Многу жени носат тесни градници со цел да ги задржат градите во форма и да изгледаат поголеми. Тесниот градник може да го намали протокот на крв во градите и да ја зголеми можноста за заболување од рак на дојка. Спиењето со градник е уште една нездрава навика на жените. Изберете вистинска големина на градник која ќе го подобри обликот на градите без да ги притиска и да предизвикува болки во нив.
ДОЛНА ОБЛЕКА
Хигиената на интимата е многу важна и треба многу да се внимава на неа. Кога купувате долна облека, не барајте само секси долна облека која изгледа примамливо, туку внимавајте на квалитетот на материјалот. Синтетичката долна облека предизвикува инфекции, непријатни миризби и јадеж. Наместо нив, купувајте памучна долна облека.
ТЕШКИ ОБЕТКИ
Долгите висечки обетки изгледаат одлично со ноќна комбинација на облека. Внимавајте во изборот на обетки и избегнувајте обетки кои се тешки, бидејќи може да го прошират дупчето на увото (кое може да загнои или да се инфицира).
Станете наш facebook фан. Ви Благодариме!
Станете наш facebook фан. Ви Благодариме!