Top
med_i_mleko

Мед и млеко во корист на здравјето

Млекото е одлично за хидратација, поздрави коски, регулирање на крвниот притисок, намалување на ризикот од настанување на кардиоваскуларни болести, спречува дебелеење и дијабетес тип 2, а некои студии покажуваат и дека го намалува ризикот од рак на дојка и рак на дебелото црево. Медот е одличен засладувач, извор на енергија, помага за губење на тежината бидејќи ја поттикнува потрошувачката на масти, ја подобрува издржливоста, а има и антибактериски, антифугални и антиоксидантни својства. Веројатно ретко размислувате колку овие две состојки се моќен лек.

Нега на кожа
Медот и млекото имаат антимикробни својства, кои уште повеќе доаѓаат до израз кога овие две состојки се мешаат. Голем број средства за нега на лице се прават со млеко и мед. Интересно е што оваа комбинација се користи во здравствени центри низ различни делови од светот. Измешајте 3 лажици топло млеко и 1 лажичка мед, натопете парче памук во смесата и исчистете го лицето.

Издржливост
Чаша млеко и 2 лажици мед во утринските часови ја подобруваат издржливоста во текот на денот. Млекото содржи протеини, а медот потребните јаглехидрати. Млеко со мед можат да пијат сите, без оглед на возраста и полот.

Го успоруваат стареењето
Истражувањата покажаа дека медот и млекото, кога станува збор за стареењето, делуваат на целото тело, а не само на лицето. Многу древни цивилизации пиеле млеко и мед за да ја зачуваат својата младост.

Антибактериско дејство
Истражувањата покажуваат дека комбинацијата од мед и млеко е поефикасна против стафилокус (грам-позитивна цревна бактерија) отколку млекото и медот посебно.

Варење на храната
Шолја топло млеко со 2 лажички мед ќе помогне при запек, подуеност и цревни болести.

Респираторни болести
Топлото млеко е одличен лек за настинка и кашлица, исто како и медот. Со спојување на нивните својства добиваме уште подобар лек.

Добар сон
Знаете што е подобро од шолја топло млеко пред спиење? Шолја топло млеко со лажичка мед. Премногу шеќер ќе го разбуди и вознемири, но сосема малку глукоза ќе му јави на вашиот мозок да го „исклучи“ орексинот, невротрансмитерот одговорен за будноста во текот на денот.




Оставете коментар

Вашата имејл адреса нема да биде објавена. Задолжителните полиња се означени со *