Секоја жена посакува здрава и сјајна коса. За да постигнете таков ефект не треба да користите препарати кои ја сушат и оштетуваат вашата коса. И сами можете да се грижите за неа, со подготовка на регенератор кој ќе ви помогне да ја остварите целта. Маслото од јојоба и маслиновото масло се составен дел на голем број купечки регенератори. Тие содржат витамин Е кој го зајакнува и храни влакното, го чува од сушење и пукање.
За подготовка на овој природен регенератор потребни ви се следниве состојки:
– ¼ шолја масло од јојоба
– 1 лажица маслиново масло
– неколку капки етерично масло од рузмарин или лаванда
Трите состојки ставете ги во шишенце со распрскувач и протресете го шишенцето. Регенераторот нанесете го на влажна коса, врзете ја во пунџичка и оставете ја да отстои околу 20 минути. Измијте ја косата со млака вода. За уште посилен ефект регенераторот оставете го да дејствува во текот на ноќта, а утрото измијте ја косата.
Станете наш facebook фан. Ви Благодариме!