Кромидот е еден од најдобрите дарови на природата. Тој е одличен препарат за коса доколку се соочувате со расцветани врвови и опаѓање. Кромидот содржи сулфур кој го храни коренот на косата и го забрзува нејзиното растење.
Во продолжение неколку маски на база на кромид:
Сок од кромид
Исцедете сок од кромид и измешајте го со вода во сооднос 2:1. Намачкајте ја косата, особено темето и оставете да делува 30 минути. Можете да ја завиткате косата со пешкир, за да може кромидот да се апсорбира во фоликулите на влакната.
Кромид и кокосово масло
Кога ќе се измеша со масло, сокот од кромид го забрзува растењето на косата и ја храни. Измешајте го сокот од кромид со масло и масирајте ја косата. Завиткајте ја со пешкир и оставете ја да стои 30 минути.
Кромид и пиво
Парчиња од кромид или сок од кромид можете да измешате со пиво за да го забрзате растењето на косата. Применувајте ја маската два пати седмично.
Кромид и мед
Оваа е најефикасна комбинација за забрзување на растот на косата. Изгмечете го кромидот и додадете малку мед. Нанесете го на косата и оставете го да отстои. Измијте ја косата со млака вода.
Кромид и рум
Ставете една главица кромид во чаша со рум да отстои една вечер. Следното утро масирајте ја косата со оваа мешавина.
Кромид и лимон
Можете да користите комбинација од кромид и лимон за раст на косата и за лекување на првутот. Сокот од лимон го намалува опаѓањето на косата.
Кромид и јогурт
Во сокот од кромид додадете една лажица јогурт. Измешајте добро и измасирајте го скалпот. Оставете да делува 45 минути, а потоа измиете ја главата со благ шампон.
Станете наш facebook фан. Ви Благодариме!