Го кажавте судбоносното „ДА“, па сега ви преостанува да ги испланирате свадбените активности. Сите невести сонуваат за совршена свадбена прослава со прекрасна храна, многу цвеќе, раскошен декор и скап шампањ, но ретко кој може да си го дозволи тоа.
Со останатите трошоци околу вашиот најважен ден во животот, како што се изнајмување на просторот за прославата, прстените, музиката и невестинскиот фустан, можеби ќе бидете принудени да одберете финансиски поприфатливи порции за оброкот на вашите гости.
Но, како најумешно да го направите тоа?
ОДБЕРЕТЕ ХРАНА СПОРЕД СЕЗОНАТА
Менито нека биде составено од сезонска храна. На тој начин ќе имате убава храна, нема да биде премногу скапо, а сепак вашите гости ќе бидат задоволни.
НЕ НАРАЧУВАЈТЕ ДОПОЛНИТЕЛНИ ДЕСЕРТИ
На крајот на прославата, доволен десерт е свадбената торта. Никој од вашите гости, после обилната вечера или убавиот коктел, нема да ви забележи зошто немало и друг десерт. Веројатно, ретко кој ќе ја проба дури и вашата свадбена торта.
Доколку се решите и за прослава со помладите во некое кафуле, откажете се од малите шотови и закуски. На тој начин секој ќе го нарача пијалакот кој го сака, а вие нема да имате дополнителни трошоци.
За најмалите гости, доколку не сакате да додавате друго мени, во ордеверот вклучете нешто што го сакаат децата. Тие сигурно нема да го јадат динстаното телешко месо или свинското месо во сос од сливи кои ќе бидат сервирани како главно јадење.
Станете наш facebook фан. Ви Благодариме!