Top

5 предзнаци кои навестуваат крај на врската

Дали вашиот партнер преку ноќ носи одлука дека ќе почне редовно да оди во теретана, сака да ослабе, постојано купува нови парчиња облека и сè повеќе внимава на својот изглед? Нека не ве радуваат овие негови чекори, туку подзамислете се!
Ова се само дел од сигналите кои навестуваат дека наскоро ќе бидете оставени.

Сексологот Јан Карнер составил листа од 5 предзнаци кои навестуваат дека вашиот партнер или партнерка ќе ве остави:

1. БЕЗ РАЗГОВОР
Повеќе нема за што да муабетите. Останувате сами со партнерот, и за разлика од претходно, немате заеднички теми на разговор и ви станува здодевно. Ова е сигурен предзнак дека се наоѓате на несигурен терен.

2. НЕЗАИНТЕРЕСИРАНОСТ
Не ве интересираат луѓето кои на него му се важни, и обратно. Доколку неговите блиски пријатели и членови на фамилијата повеќе не ви се предмет на интерес, не сакате да им помогнете или пак да им направите некаква услуга тогаш дефинитивно треба да ја преиспитате иднината на вашата врска.

3. ПРЕКУВРЕМЕНА РАБОТА
Изненадно, еден од вас станува непоправлив воркохолик. Премногу работа, врзани за канцеларијата, се помалку слободно време и недостапност за партнерот не се добри знаци за вашата врска. Подзамислете се!!

4. ВЕЧЕРНИ ИЗЛЕГУВАЊА
Преферирате да излегувате само со вашите пријатели или колеги. Кога романтичните вечери ќе се претворат во мака без дно и повеќе немаат смисла, парот ќе настојува да ги избегнува интимните дружења.

5. БЕЗ МЕЃУСЕБНА ПОДДРШКА
Меѓусебната поддршка исчезнува. Не сте чесни еден кон друг, пасивно агресивни, а понекогаш дури и се понижувате. Доколку сето ова ви се случува време е за еден искрен разговор бидејќи вистински заљубен пар не се однесува вака.


Станете наш facebook фан. Ви Благодариме!




Оставете коментар

Вашата адреса за е-пошта нема да биде објавена. Задолжителните полиња се означени со *

Вие можете да ги користите следните HTML ознаки: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>