Top

Велигденска погача

Денес ви претставуваме рецепт со кој ќе ја збогатите празничната трпеза. Имено, станува збор за Велигденска погача, чија подготовка е едноставна.



Потребни состојки:
1 пакетче сув квасец
1/3 шолја шеќер
1 шолја млако млеко
5 ½ шолји брашно
2 лажици рендана кора од лимон
1 кафена лажичка сол
7 јајца (4 обоени црвено и 3 свежи, небоени)
6 лажици стопен путер
1 белка од јајце

Начин на подготовка:
Квасецот и 1 лажица шеќер ставете ги во млакото млеко да отстојат. Потоа истурете ја смесата во сад во кој претходно ќе ги ставите брашното, остатокот шеќер, кората од лимон и солта. Потоа замесете го тестото. Додадете ги јајцата и стопениот путер и изматете ги со миксер, на најмала брзина. Потоа размесете го тестото со рака и покријте го да нарасне. Откако ќе нарасне тестото, размесете го и поделете го на 3 дела. Со дланките направете „јаже“ од секој од деловите. Потоа, во тава премачкана со масло и наросена со брашно, заплетете плетенка, во форма на круг и оставете место за фарбаните јајца. Вметнете ги фарбаните јајца и покријте ја тавата за да нарасне погачата. Потоа, со изматената белка намачкајте ја погачата. Печете на температура од 200-250 степени, околу 30 минути (додека не порумени, или пак проверете со чепкалка).

Кликнете ТУКА за да ги погледнете нашите денешни содржини.

Станете наш facebook фан.



Оставете коментар

Вашата имејл адреса нема да биде објавена. Задолжителните полиња се означени со *

*