Изненадете ги вашите блиски со вкусни лазањи со сос од домати. За подготовка на истите ќе ви бидат потребни 500 грама лазањи, а ќе потрошите околу 70 минути.
Потребни состојки за бешамел сос: 50 грама путер, 50 грама брашно, 750 мл млеко, сол и морско оревче.
Потребни состојки за сосот од домати: 1 главица кромид, маслиново масло, 1 чешне лук, 200 грама целер, 300 грама домати, 2 парчиња морков, 100 грама сирење, 1 лажичка оригано, бибер и ловоров лист.
Подготовка:
Почнувате со подготовка на бешамел сосот. Во мала тава правите светла (бела) запршка од путер и брашно, го додавате млекото и мешате околу 5 минути. На крајот додавате малку сол и морско оревче.
Продолжувате со сосот од домати. Ситно сецканиот кромид пропржете го со маслиновото масло. Додадете ги ситно изренданиот целер и моркови, како и лукот. Динстајте ги на тивок оган додавајќи малку вода. Потоа, додадете ги сирењето и зачините и оставете ги на тивок оган околу 30 минути.
Наредете ги лазањите во огноотпорен сад, а на секој ред нанесете од претходно подготвените сосови. Печете 30-40 минути, на температура од 150 степени.
На крај, можете да декорирате со маслинки.
Станете наш facebook фан. Ви Благодариме!
