Во овие неподносливо топли летни денови, на нашето тело му е потребно освежување. Наместо да купувате сокови со вештачки бои и ароми, направете си некое од следните природни освежителни пијалоци.
Потребни состојки:
2 шолји брусница или малини
6 шолји вода
2 шолји цеден сок од портокал
2 шолји парчиња ананас
Подготовка:
Сите состојки изматете ги во блендер и на крај додадете неколку ливчиња нане. Оваа овошна бомба содржи голема количина на витамини и минерали кои ќе ви дадат енергија.
Потребни состојки:
2 шолји рибизла
1 шолја со парчиња лубеница
½ шолја сок од бозел или сок од лимон
1 лажица мед
½ шолја сецкани ливчиња нане
Подготовка:
Сите состојки ставете ги во блендер. Откако убаво ќе се изматат, ставете ги ливчињата нане. Овој пијалок освен што ќе ве освежи, и ќе ве засити.
Потребни состојки:
1 манго, исечено на мали парчиња
Цеден сок од 2 портокали
Цеден сок од 1 лимон
Половина кора од лимон
Подготовка:
Сите состојки заедно се матат во блендер. Додадете неколку коцки мраз и имате одличен освежителен пијалок.
Потребни состојки:
1 шолја малини
1 шолја вишни
Цеден сок од 2 портокали
Сецкани парчиња цитрон
Подготовка:
Во блендерот прво ставете ги малините и вишните, и матете ги на мала брзина. Потоа додадете го сокот од портокал и парчињата цитрон.
Потребни состојки:
1 шолја сецкани парчиња праски
1 кафена лажичка шеќер
Чај од хибискус
Подготовка:
Најпрво подгответе го чајот од хибискус. Потоа во блендер изматете ги праските и шеќерот. Ставете го и чајот од хибискус и неколку коцки лед. Овој пијалок се препорачува против замор.
Станете наш facebook фан. Ви Благодариме!