Психологијата на боите го поврзува карактерот на личноста со нејзиниот избор на бојата на облека, обувки, мебел, автомобил, постојат и цели теории кои се занимаваат со последиците од впечатокот на боите на човекот. Истражувањата покажале дека луѓето се повесели кога ги опкружуваат топли и светли бои бидејќи ги потсетуваат на сонцето, но тоа не е сè што се открива Вашата омилена боја за Вас!
Страсните личности ја обожаваат црвената боја која привлекува внимание, па дури и мали детали во црвена боја може да ги разбудат сетилата. Црвената боја ја истакнува самодовербата и дава чувство на моќ. Црвената е боја на сила, здарвје и виталност. Оптимистите и оние кои не ја сакаат монотонијата ја обожаваат црвената боја.
Доколку сакате да доминирате, да привлечете внимание и да ја потенцирате Вашата личност тогаш Ваша омилена боја е жолтата. Инаку, оваа боја дава елан и ја зајакнува самодовевербата, расположува и асоцира на сончеви зраци и насмеани лица. Жолтата боја го стимулира мозокот и може да ја зголеми креативноста. Исто така, таа е боја на среќа, мудрост и фантазија.
Вие кои што ја сакате црната боја делувате професионално и решително, но исто така можно е да оддавате и чувство на дистанцирање. Луѓето кои што сакаат црно сакаат да изгледаат мистериозно и не сакаат да го покажуваат своето вистинско лице.
Љубителите на виолетовата боја се идивидуалци, чувствителни, досетливи, креативни и се разликуваат од другите или се трудат да се разликуваат. Толерантни се, а обично симболизираат личости кои зрачат со достоинство и возвишеност. Лесно стануваат авторитативни и се искачуваат на високи позиции.
Оние кои тежнеат кон совршеноство и се стремат кон тоа, белата боја ги издава. Белата боја е симбол на чистотата, наивноста и невиноста. Со други зборови, се поврзува со едноставен живот.
Розевата боја за Вас вели дека сте шармантни и нежни, личност која се грижи за другите и лесно пристапна личност. Розевата боја симболизира љубов и привлечност без многу страст.
Профеционалците и софистицираните личности ги одликува сивата боја, меѓутоа и не правото лице, бидејќи тие често умеат да го скријат вистинското „јас“. Сепак, сивата боја е боја на вниманието и компромисот.
Сината боја покажува дека вие сте грижливи, верни, трпеливи и сочувствителни. Сината е боја најповрзуана со здравиот разум. Таа е пријатна, смирувачка и доведува до релаксација на телото. Во темни нијанси, сината знае да биде здодевна, а пак некои светли нијанси предизвикуваат непријателска атмосфера.
Најпријатна боја за очите е зелената, па така, таа може и да ги смири лошото расположение и емоциите. Зеленото ја симболизира ведрината на човекот. Асоцира на живот, растење и природа.
Доколку сакате подобро да се вклопите во работната околина или да избегнете некоја одговорност, тогаш облечете некое парче со зелена боја. Љубителите на зелента боја се дружењељубиви, искрени, скромни, трпеливи и многу се цивилизирани.
Љубопитните со немирен дух, добродушните, но понекогаш и непостојаните сакаат портокалова боја. Се вели дека портокаловата боја е среќна боја може да ја намали депресијата со тоа што ќе ја зголеми енергијата и возбудата.
Станете наш facebook фан. Ви Благодариме!