“Selfie” фотографиите од бањата, популарната поза “duck face” и поставувањето на мудри мисли на фејсбук статусите делуваат наметливо и одбивно. Шансите да сретнете некој на социјалните мрежи се многу поголеми доколку не ги правите овие нешта.
Онлајн запознавањето е сѐ почест начин на започнување на љубовна врска, а денес преку Интернет се запознава секој трет пат во земјите од западниот свет. Иако луѓето сѐ почесто користат Интернет, форуми и социјални мрежи за да пронајдат љубовен партнер, постојат бројни замки и правила во таквото запознавање, а ова го тврдат многу истражувања.
Најлошото нешто кое луѓето може да го направат, а со тоа да ги намалат шансите за запознавање партнер на социјалните мрежи е да постават “selfie” фотографија во бања, со напрчени усни и тон шминка на лице. Од друга страна, многу подобра реакција би предизвикала фотографија со милениче, во природа и слично. Мажите оставаат добар впечаток со спонтаност, амбициозност и духовитост, додека девојките со спортски дух, искреност и спонтаност.
Бидејќи живееме во време кога запознавањето во кафе барови и дискотеки се сведува на минимум, а Интернетот е главна алатка во запознавањето на нови лица и потенцијални партнери, треба да внимавате каква слика создавате за себе преку содржините кои ги објавувате на својот профил.
Станете наш facebook фан. Ви Благодариме!
