Во животот на секој хороскопски знак постои по нешто што е најважно.
Овен: Сакаат да бидат она што се, мразат преправање
Овенот најмногу од сѐ ја цени индивидуалноста, независноста и потребата да биде она што е. Ниту шефот, ниту партнерот или кој било друг никогаш не смее да му каже што да прави или како да се однесува во одредена ситуација. Тие се најнезадоволни ако се присилени да се вклопат во некои норми. Сакаат луѓето да ги сакат онакви какви што се и не прифаќаат компромиси. Нивното мото е: Да се биде!
Бик: Најважно е да го задржат она што им припаѓа
Припадниците на овој знак напорно работат на која било работа што ќе ја започнат. Кога нешто ќе остварат и постигнат, тоа не сакаат со никого да го делат. Практични се, не се алчни, но се борат за своето право, за правото на своите колеги, но кога ќе стекнат нешто во материјална смисла сметаат дека имаат потполно право над тоа. Никогаш не се откажуваат од своите работи, дури ниту поради љубовта. Нивното мото е: Да се има!
Близнаци: Најважна за нив е слободата на мислење
Во своите мисли може да заминат каде што ќе посакаат, a идеите им се волшебни. Ако некој им каже дека премногу размислуваат и дека треба да бидат попрактични, смртно ќе се навредат. Нивното мото е: Да се мисли!
Рак: Најважни им се чувствата
Раковите се забавни и игриви однадвор, но нежни одвнатре. Најмногу сакаат да уживаат во своите чувства. Нивното мото е: Да се чувствува!
Лав: Најважно им е да се покажат во вистинско светло
Лавовите се најубави, најхрабри и најсилни суштества на земјата. Но, мора да имаат можност тоа да им го покажат и на другите. Важно е никој да не им го одземе нивниот луксуз. Секогаш мора да бидат во центарот на вниманието. Нивното мото е: Да се посакува!
Девица: Најважно е да можат да донесуваат одлуки
Девиците се аналитичари, способни се да ги забележат најситните детали, па затоа им е многу важно на нив да им се додели правото за да ја донесат конечната одлука. Се борат за слободата на мислење, но најважно им е да соберат многу податоци, по можност од различни извори. Нивното мото е: Да се анализира!
Вага: Најважно е да ги задоволат другите, но и себе
Рамнотежата на идеите за Вагите е идеална состојба. На нив им е нужно тие да одлучат што е најдобро. Но, никогаш не претеруваат. Колку се борат за себе, толку се борат и за другите. Секое поле од животот им е важно: работата, кариерата, семејството… Нивното мото е: Да се постигне рамнотежа!
Скорпија: Најважно е да го добијат она што го сакаат и кога го сакаат
Скорпиите се најиздржливиот знак во хороскопот. Тие точно знаат што сакаат и можат да издржат многу работи за да го добијат. Мислат дека потполно го заслужуваат тоа и ако не го добијат не можат да бидат среќни. Нивното мото е: Да се заслужи!
Стрелец: Најважно им е да истражуваат и да ја видат целата слика
Најчесто се спонтани и го прават она што го сакаат. На нив многу им е важно да се забавуваат. Не сакаат сериозни теми, па во секоја ситуација внесуваат хумор. Нивното мото е: Да се види!
Јарец: Најважно за нив е од лимонот да направат лимонада
Тие имаат моќ да искористат и да најдат намена за сè околу нив. Важно е да можат да го изберат она што мислат дека може да го изберат. Не им е секогаш лесно, но не се предаваат. Нивното мото е: Да се поправи!
Водолија: Најважна им е слободата
Тие се оригинални и прагматични, често знаат да шокираат, но и да расветлат, научат, објаснат и разберат. Се борат за сите видови слобода и никого не осудуваат. Нивното мото е: Да се знае!
Риби: Најважно е следењето на своите соништа
Рибите ја ценат и бараат слободата на мислите и говорот. Визионери се и многу им е важно да го следат она во кое веруваат. Ако им ја одземете вербата, тоа е исто како да оставите риба на суво. Рибите сакаат да веруваат дека сите се на иста страна. Нивното мото е: Да се верува!
Станете наш facebook фан. Ви Благодариме!
