Во текот на летото, се чини најомилено освежување е ладната лубеница. Додека однадвор изгледаат свежи и убави, внатрешноста покажува друго. Следниве неколку знаци ќе ви помогнат да изберете свежа и сочна лубеница. Лубеницата пресечена на пола која ја гледате на тезгите или во продавниците не треба да биде единствено мерило при купување.
- Шарата на лубеницата покажува колку е таа стара, па затоа секогаш избирајте ја онаа со светла шара бидејќи е зрела, вкусна и сочна. Освен тоа, страната на која „лежела“ лубеницата на земја треба да има жолта боја. Ако таа страна има бела или светло зелена боја значи дека плодот не е доволно зрел.
- Обрнете внимание на тежината на лубеницата. Доколку е голема, а лесна, тоа значи дека нејзината содржина е посува и нема доволно сок.
- Aко лубеницата има рачка, истата може да биде мерило за свежина. Доколку таа е цврста и права, плодот е свеж.
- Звукот на сочната лубеница треба да биде ѕвонлив. Тропнете на лубеницата на неколку места за да го проверите тоа. Доколку звукот е тап, не ја купувајте.
Станете наш facebook фан. Ви Благодариме!