Top
when-drinking-coffee-in-red-cups

Хороскопските знаци и тајните

Бидете претпазливи на кој хороскопски знак што му кажувате. Близнаците не се луѓе од доверба, Скорпиите се длабок океан на тајни, а пак, Рибите лесно забораваат.

ОВЕН
Ако на Овенот сте му довериле тајна, внимавајте да не го изнервирате, затоа што во истиот момент има големи шанси да ја раскажe вашата приказна. Тоа нема да го направи со намера да ве издаде, туку затоа што е склон кон дејствување пред размислување.

БИК
Стабилни се и упорни, но на Биковите доверувајте им се само ако знаете дека се согласуваат со тоа што сте им го откриле. Во сите останати случаи, тајните задржете ги за себе. Има голема шанса за возврат да добиете лекција за тоа како си го комплицирате животот. Најдобро е да започнете со „што мислиш за…” па, потоа доаѓа тајната.

БЛИЗНАЦИ
Овој знак е брбливец, па затоа никогаш не му се доверувајте. Дури и да нема потреба да ја раскаже вашата тајна, ќе му излета сосема случајно, додека го пие кафето со локалното „инфо-биро“, односно со личноста која сака да разгласува приказни.

РАК
Доверлив и лојален, Ракот секогаш е добар избор за чување тајни. Ќе ви понуди рамо за плачење, утеха, прегратка,… само за да ви помогне. Раковите се можеби најсигурните луѓе на кои можете да им ја откриете вашата најголема тајна, па вреди да имате барем еден пријател во овој знак.

ЛАВ
Тајните кои Лавот може да го доведат до пофалби или да му помогнат да се докаже, подобро зачувајте ги за себе. Ако се работи за неговиот конкурент или личност која му е антипатична, постои голема веројатност без размислување да ја открие тајната.

ДЕВИЦА
Дискретната Девица ќе ги чува доверливите информации за себе, до моментот додека сте блиски. Потоа, ако случајно се оддалечите, ќе започнат да се шират информациите. Што значи, ако не планирате да се предадете потполно на некоја Девица, не ја откривајте вашата темна страна.

ВАГА
Тие се прекрасни пријатели, но доколку ги изневерите, бидете претпазливи! Зад нивниот шарм се крие доза на лицемерие, имајте го тоа на ум. Тие сакаат да ги издаваат тајните кои ги имаат другите, но на крајот ќе ве убедуваат дека тоа е со добра намера и однапред замислена цел.

СКОРПИЈА
„Тајна која чекори“ е второто име на Скорпиите. Тие најдобро ги разбираат тајните затоа што и самите ги имаат во огромни количини. А, кога нешто јавно ќе се издаде или дознае, свесни се дека ја губи вредноста. Затоа, слободно доверувајте им ги тајните или плановите кои ги имате, тие безрезервно ќе ви го чуваат грбот.

СТРЕЛЕЦ
Да не се родени зборлести, Стрелците би биле сјајни пријатели. Посебно ако тајните им се откријат покрај чашка алкохол, на приказната нема да и се гледа крајот. Честопати се претрупани со информации, па не се свесни каде треба да молчат, а каде да зборуваат. Постои голема шанса од невнимание да ја издадат вашата најтемна страна која не сакате никој да ја дознае.

ЈАРЕЦ
Можеби ќе звучи грубо, но Јарците не сакаат да им се доверуваат, бидејќи ја користат секоја шанса да го откријат она што го знаат. Покрај тоа, сакаат кога имаат корист од чувањето на тајни, затоа што во замена за нивната дискреција ќе треба да понудите многу.

ВОДОЛИЈА
Ако сакате Водолијата да ви ја сочува тајната, ќе мора да ѝ откриете нешто сензационално. Во спротивно, тоа за неа ќе биде сосема обична информација која може да ја издаде во било кој момент.

РИБИ
Со Рибите тајната ви е сигурна. Постои голема шанса да го заборават она што сте им го кажале, но ако ја запаметат, ќе ја чуваат до крај. Тие се таинствени личности кои разбираат што значи да имаш нешто скриено од другите. Но, никогаш не им доверувајте нешто што се коси со нивните емоции. Последиците може да бидат фатални.




Оставете коментар

Вашата имејл адреса нема да биде објавена. Задолжителните полиња се означени со *