Top
Кога девојките почнуваат  да личат на своите мајки?

Кога девојките почнуваат да личат на своите мајки?

Девојките со тек на време сè повеќе личат на своите мајки. Веројатно изреката “Гледај мајка, бирај ќерка!” конечно ја доби својата тежина. Британските научници неодамна истражуваа и открија дека секоја девојка со тек на време е “плукната” на својата мајка, почнувајќи од 20-тата година.

Раѓањето на првото дете е клучната промена во животот, по која ќерките ги добиваат навиките од своите мајки. Повеќе од пола испитанички признале дека караниците со нивните мајки престанале по 30-тата година, точно на 31 година. Останати показатели кои укажуваат на сличноста помеѓу мајка и ќерка се истиот избор на ТВ серии, хоби, изреки и сличен вкус кога се работи за одбирање на партнер.

Истражувањето е спроведено во соработка со 1.000 жени, од кои 52% признале дека после 30-тата година се претвориле во нивните мајки. Двојно помал процент смета дека таква промена се случила по 35-тата година, 10% прифатиле однесување околу 40-тата, додека 5% тешко признале дека во 20-тите години почнале да личат на своите мајки.

Повеќето од овие девојки и жени, дури 51%, признале дека мајките им се најголем пример, а после нив следувале сестрите, бабите и на крајот најдобрите пријателки.

Автор: Ивана Витановска




Оставете коментар

Вашата имејл адреса нема да биде објавена. Задолжителните полиња се означени со *