Top

Мислите дека не можете да го започнете денот без кафе?

Колку од вас наутро, кога едвај стануваат од кревет и сеуште едвај ги отвораат очите, одат директно во кујна и прават кафе? Ако пред да излезете од дома не се напиете барем 2-3 голтки кафе мислите дека сте премногу бавни, тешко се расонувате и станувате нервозни. Ако го пропуштите и попладневното кафе, сигурно и тоа влијае на вашето расположение, или сте поспани или сте нервозни. Ако сте зависни од кафе сигурно сте се фатиле во момент кога се убедувате себеси и другите дека не можете да поминете нормален работен ден ако не се напиете кафе. Иако е научно докажано дека кофеинот во нашето тело го стимулира лачењето на адреналин, истражувачкиот универзитет во Источен Лондон покажало дека ефектот на кофеинот врз нашиот организам е само во нашите глави и автосугестијата. Ако почнете да се убедувате дека кафето ве расонува, и вашиот мозок ќе размислува така. За да го проверат ова, научниците на ¼ од испитаниците им дале да пијат кафе со кофеин (кои знаеле што пијат), на втората четвртина им дале кафе без кофеин (ги убедувале дека пијат кафе со кофеин). Истото го направиле и со останатите испитаници: oние кои добиле безкофеинско кафе знаеле што пијат, а на оние на кои им дале кафе со кофеин биле убедувани дека пијат безкофеинско. Добиените резултати покажале дека луѓето кои пиеле безкофеинско кафе, а мислеле дека во нивното кафе има кофеин, покажале исти резултати на тестовите со оние кои пиеле кафе со кофеин.




Оставете коментар

Вашата имејл адреса нема да биде објавена. Задолжителните полиња се означени со *