Top
Adele_najbogata_britanska_pejachka_iLike_mk

Адел е најбогата британска пејачка

Според магазинот “The Sunday Times”, светската музичка легенда со моќен глас Адел Лори Блу Адкинс е најбогатата пејачка во Велика Британија. Само минатата календарска година Адел заработила приближно 50 милиони евра. Раскошниот глас и талентот Адел ја сместија меѓу најценетите и најплатените светски пејачи на денешнината. Благодарејќи и на светската турнеја богатството на 29-годишната пејачка порасна од 85 на 125 милиони фунти.

Со богатство од 125 милиони фунти Адел е на 19 место на листата на најбогати музичари во Британија според магазинот, а воедно таа е и единствената жена на оваа листа.

Инаку, најбогат музичар во Британија е Пол Макартни со неверојатни 900 милиони фунти на сметка, пред Ендру Лојд Вебер со 870 милиони и групата У2 со нешто повеќе од 680 милиони фунти.

Во продолжение се потсетуваме на еден од нејзините најголеми хитови.




Оставете коментар

Вашата имејл адреса нема да биде објавена. Задолжителните полиња се означени со *