Top

Најубавите цитати од романите на Николас Спаркс

Николас Спаркс е познат американски писател, автор на романите “Страници за нашата љубов”, “Одлука”, “Драги Џон”, “Порака во шише” и многу други популарни наслови. Тој едноставно го освои светот со неговите приказни кои се опишани на прекрасен начин. Сите имаме време да прочитаме убав пишан збор, па iLike.mk со вас споделува неколку од неговите цитати.

Уживајте!

“Не сум посебен, за ова сум сигурен. Јас сум обичен човек со обични мисли и со обичен живот. За мене немаат издигнато споменици и моето име набрзо ќе биде заборавено, но јас љубев со целото мое срце и душа и оваа љубов за мене од секогаш била доволна.” – Страници за нашата љубов


“Љубовта е како ветрот, не можеш да ја видиш, но можеш да ја почувствуваш.” – Прошетка за сеќавање


“Конечно сфатив што значи вистинската љубов… Љубовта значи да се грижиш повеќе за среќата на другиот отколку за твојата, без разлика колку и да боли изборот со кој си се соочил.” – Драги Џон


“Токму кога мислиш дека не може да биде полошо, станува полошо. И токму кога мислиш дека не може да биде подобро, станува подобро.” – На прв поглед


“Некогаш ќе мораш да се разделиш од луѓето кои ги сакаш, но со тоа нема да ти се намали љубовта кон нив. Тогаш ќе сфатиш дека ги сакаш многу повеќе.” – Последната песна


“Те сакам. Јас сум кој што сум поради тебе. Ти си секоја причина, секоја надеж и секој сон кој сум го имал и без разлика на тоа што ќе се случи со нас во иднина, секој наш поминат ден заедно е најубавиот ден во мојот живот. Секогаш ќе бидам твој.” – Страници за нашата љубов


“Љубовта секогаш е трпелива и мила. Никогаш не е љубоморна. Љубовта никогаш не е фалбаџиска или вообразена. Никогаш не е непристојна или себична. Не прифаќа навреди и не е злопамтило. Секогаш е спремна да се извини, да верува, да се надева и да го поднесе сето она што го преживува.” – Прошетка за сеќавање


“Колку е поголема љубовта, толку поголема е тагата кога ќе дојде крај!” – Ноќи во Роданте


“Вистинската љубов е ретка и тоа е единствено чувство која му ја дава вистинската смисла на животот.” – Порака во шише


“Животот, тој објасни, дека е како песна. Во почетокот е мистерија, на крајот е соочување, но во средината се собрани сите емоции кои го прават вреден твојот живот.” – Последната песна


“Соништата кои не се исполнуваат се уништувачки. Но, едноставните соништа често се болни бидејќи се лични, погодени и остварливи. Секогаш си блиску да ги достигнеш, но никогаш не си доволно блиску да ги задржиш и тоа е доволно за да ти го скрши срцето.” – Три недели со брат ми


“Секогаш имаш избор. Но некои луѓе го избираат погрешното.” – Чуварот


“Без тебе во моите прегратки, ја чуствувам празнината во мојата душа. Во гужвата го барам твојот лик – знам дека е невозможно да го видам, но не можам да си помогнам.” – Порака во шише


“Чувството кое може да ти го скрши срцето е истото кое ти е потребно за да заздрави.” – На прв поглед


“Секој пар треба да се расправа од време на време. Само за да си докажат дека врската е доволно цврста за да издржи. Долгите врски, оние кои се правилни, постојано се соочуваат со подеми и падови.” – Прибежиште


“Времето поминато со тебе ми покажа што всушност недостига во мојот живот.” – Изборот

Автор: Ивана Витановска




Оставете коментар

Вашата имејл адреса нема да биде објавена. Задолжителните полиња се означени со *